近日全球固網寬頻及流動網絡測試公司 Ookla 發表咗關於5G網絡速度嘅結果。

阿聯酋首都阿布扎比喺 2021 年上半年擁有全球最快平均下載速度 (421.26Mbps)。

呢個結果係根據 Ookla 旗下嘅 Speedtest 應用程式同網站收集到嘅數據分析出嚟。主要係測試已經推出咗5G服務嘅國家,睇吓邊一個國家首都擁有最佳5G速度同覆蓋率。

阿聯酋電信及數碼監管局發言人表示,今次成為全球最高速5G網絡呢個成就證明咗阿聯酋政府對科技發展嘅決心同實行能力。並成功將國家置於數碼轉型方面嘅領先地位,同時成為數碼科技創新領域嘅先進國家。

發言人進一步提到,5G喺數碼化轉型擔綱重大角色,為各行各業同國家帶嚟好多新機遇。依家5G所達到嘅超高速體驗係多得網絡提供商 Etisalat 同 Du 喺發展5G網絡方面所做嘅努力。

Etisalat 同 Du 兩間網絡提供商都不斷參與改進網絡同手機5G體驗嘅研究,希望可以提供到一個穩定同高速嘅5G服務俾阿聯酋廣大民眾。

另外除咗阿布扎比嘅 421.26Mbps 高速5G下載紀錄,阿聯酋另一個城市杜拜亦都錄得 417.07Mbps 嘅平均下載速度。
成為全球主要城市2021上半年測量5G速度同覆蓋率嘅量度標準。

LEAVE A REPLY

Please enter your comment!
Please enter your name here