通用汽車聯同AT&T宣佈,由2024年開始會喺特定型號嘅 Chevrolet、Cadillac同 GMC 車款上面加入 5G 連網功能。
兩間公司聲稱呢個做法將會帶嚟更可靠嘅軟件更新、更快嘅導航同下載,以及更好嘅公路覆蓋。

雙方高層喺一個媒體發佈會上面表示,5G 連網嘅推出亦都會為通用汽車配備 4G LTE 車款帶嚟好處。

比如2019年以及之後嘅車款,當新嘅 5G 車款推出之後,以上車款嘅車主都會得益於新嘅 5G 網絡。

通用汽車表示,隨著AT&T 改善基礎設施,網絡性能將會得到提升。所以現有 4G 連網嘅車輛,19年以及之後嘅車款,車主們都可以感受到網絡性能上有所改善。

外界之前一直都認為 5G 技術會對好多需要講求網絡速度同低延時嘅各行各業有重大改變,但係實際上到目前為止呢個改變仍然未出現。
部分原因係網絡鋪設比預期慢咗好多。
所以今次呢個宣佈可以被視為一個明確嘅信號,至少 AT&T 認為自己嘅 5G 網絡已經足夠成熟,可以喺2024年之前處理數百萬計嘅聯網汽車。

更快、更可靠嘅連線係好多汽車製造商想達到嘅最終目標。未來嘅高級駕駛輔助系統,又或無人駕駛汽車等等都需要依賴高速嘅網絡連線。

LEAVE A REPLY

Please enter your comment!
Please enter your name here