英國政府啱啱公佈咗一個新計劃,就係將會俾流動網絡提供商更容易使用燈柱、巴士站或者其他街道設施,幫助加快5G網絡推出。

雖然5G網絡技術擁有高速同低延時嘅優點,但係佢嘅表現好容易被一啲難以穿透嘅物件所影響(例如牆壁、天花板以及其他任何可能阻擋無線電頻率嘅物件)。

所以5G網絡比前幾代流動網絡需要更多基站,而基站建設嘅速度亦都比較緩慢。
例如,英國電信曾經表示,公司正在努力希望去到2028年可以提供近乎全國覆蓋嘅5G服務,需要整整七年時間去實現呢個承諾。 依家佢哋只係成功覆蓋英國人口嘅40%。

政府今次推出呢個新方案有望可以幫助加快增加5G網絡覆蓋範圍,希望利用cctv燈柱、交通燈同其他路邊基礎設施去提高覆蓋率。

同獨立發射站相比,街道設施可以更便宜、更快速增加5G網絡覆蓋。不過之前各大網絡提供商都覺得好難獲得街道設施嘅資料,好難驗證一啲設施嘅結構係咪適合安裝5G網絡設備。
例如特定街道設施嘅位置、物理尺寸、同街道嘅接近程度又或者電源使用情況等等。

為咗更方便各網絡提供商,政府正在建立一個新平台去幫助各地嘅地方議會能夠更輕鬆、簡單咁同網絡提供商分享街道設施資料。

數碼基礎設施部長 Matt Warman 表示,街道兩旁嘅燈柱有好大潛力,可以加快5G推出並且減少建造新發射站嘅需要,不過喺未推出呢個新平台之前,要攞到呢啲基礎設施嘅資料係非常困難。
就係因為呢個原因,政府今次就決定投資幾百萬去幫助地方議會同網絡提供商可以更有效咁合作。

除咗燈柱、巴士站同街道設施之外,政府仲考慮俾寬頻公司使用超過100萬公里嘅地下公用管道同埋倫敦嘅地下隧道去推動全光纖寬頻嘅推出。

LEAVE A REPLY

Please enter your comment!
Please enter your name here