台灣5G網絡推出超過一年,但係普及率同4G比仍然相差好遠。
不過近期5G新旗艦機 iPhone 13 以及三星Z摺機系列熱賣,有望帶動新一輪升級5G熱潮。

不過有台灣電信業高層認為,真正升級5G嘅熱潮,可能仲需要2年時間。

台灣5G網絡表現非常出色,遠傳5G下載速度平均更達到447.8Mbps,獲得 Opensignal 2021 上半年全球5G流動網路體驗調查世界第一名。力壓第2名嘅韓國 SK Telecom,顯示台灣5G網速超越英、美、韓國等等推出5G時間較早嘅國家。

雖然網速表現成為冠軍,但係台灣5G網絡普及率只有1成多啲,對比4G推出一年之後嘅大約27%普及率較低。
業界估計,到今年年尾台灣5G用戶比例大概可以上升到20%以上。

根據業界分析,台灣4G推出嘅時間較遲,當年轉換去4G技術嘅時候,技術、設備等各方面都已經比較成熟。

反觀目前5G技術仍然喺發展階段,加上4G數據任用嘅月費已經非常低,要用戶轉用收費較高嘅5G係有一定困難。

中華電信表示,目前5G用戶人數算係穩定成長中,年底200萬用戶目標相信可以達到。

而遠傳方面亦表示,目前遠傳5G用戶已經超過百萬,滲透率達到20%。

台灣大哥大方面,目前5G用戶人數接近百萬。而由於5G新一代旗艦機嘅幫助之下,近幾個月成長速度達到1.5%、接近2%,

台灣之星發言人認為,5G網速雖然快,但係價錢比4G高,所以短期內仍然好難超越或取代4G網絡嘅地位。
不過喺 iPhone 13 新機帶動之下,5G用戶人數將提升到2%以上。
而整體5G用戶達到5成以上,至少仲需要2年以上嘅時間。

LEAVE A REPLY

Please enter your comment!
Please enter your name here