新加坡電信 (Singtel) 最近就透露咗點樣通過同愛立信合作去推動更多各行業去採用5G服務。
當中三間大企業已經運用 Singtel 嘅網絡功能同測試設備進行緊試驗。

三間公司分別係 ABB、Axis Communications 以及 Hexagon。 正在進行嘅試驗涵蓋先進製造、物流、智能城市發展同埋工業自動化。

新加坡電信發言人喺一份聯合聲明裏面表示,同愛立信嘅合作令到佢哋有機會共同建立一個開放平台,可以俾唔同嘅公司去共同創造、測試,希望測試嘅各項功能最終可以真正被公司採用。

ABB 測試咗利用新加坡電信嘅5G網絡去支持機器人喺工業製造環境裏面嘅低延時操作。

而 Axis Communications 就通過 Singtel 嘅高速5G網絡連接高性能設備以及攝影機,呢啲設備同攝影機可以安裝喺一啲工作人員比較難達到嘅地方,方便實時監察。

Hexagon 方面就同 Singtel 加上 Ericsson 合作測試激光追踪設備,用於對大型管道同航空航天零件嘅精確測量,並將測量資料即時傳輸去控制中心。

Singtel 係新加坡最大嘅流動網絡提供商,由於市場需求不斷增加,最近佢哋承諾會加快喺成個新加坡推出5G網絡。

LEAVE A REPLY

Please enter your comment!
Please enter your name here