SoftBank 同 KDDI 兩間公司喺一份聯合新聞稿中宣佈，佢哋一齊成立咗一間合資公司去促進 5G 喺日本農村地區嘅發展。
兩間公司早於2019年7月宣佈達成協議成立合資公司 5G JAPAN Corporation（5G JAPAN）。
5G JAPAN 將會互相分享 SoftBank 同 KDDI 各自擁有嘅基站去加快 5G 網絡喺日本農村嘅發展。 雙方表示，呢間合資公司仲會為 5G 基站進行建築設計同施工管理工作。
舊年兩間電信營運商開始研究相互合作可以點樣去幫助降低成本並縮短北海道旭川，千葉縣成田市同廣島縣福山市 5G 基站嘅建設時間。
兩間公司各自擁有呢間新合資公司50％股份，合資公司嘅資產為5億日元。
KDDI 上個月喺全國15個縣推出咗5G服務，佢哋嘅目標係喺今個夏季將5G服務擴展到日本全國。
KDDI 仲宣布計劃2021年3月底之前安裝10,000個基站，並喺2022年3月底之前安裝10,000個基站。
公司喺推出 5G 服務初期提供咗七款 5G 智能電話俾用戶選擇，分別係來自三星，Sony，Sharp，Oppo，小米同 ZTE。
SoftBank 亦都係上個月底推出咗 5G 服務。初期只係喺東京、千葉、大阪、石川、愛知、廣島同福岡縣某啲地區提供 5G 覆蓋。
而 SoftBank 嘅目標係喺2023年3月底之前安裝10,000多個 5G 基站。
