雖然美國近來一直以國家安全為理由,積極拉攏盟友禁止使用華為5G技術。
但係德國最大電信營運商德國電信公司尋日對外表示,公司擴建5G嘅過程中, 需要加強同華為嘅合作關係。

據報導德國聯邦網絡管理局顧問委員會將會喺5月4號召集德國電信,Vodafone,西班牙電信Telefonica 等等幾間德國境內最大嘅流動電訊營運商舉行一次「流動通訊峰會」,討論5G相關問題。

德國電信董事會成員兼德國電信公司總經理表示,如果想要實現今年年底前興建2000座5G基站嘅目標,就需要華為參與。如果排除華為,德國電訊業就唔可以快速解決5G信號覆蓋嘅問題。

德國電信董事會發言人解釋,由於各個唔同牌子5G供應商嘅技術目前都唔可以做到全面互相兼容。所以如果喺某一個區域安裝咗華為設備,咁就唔可以用愛立信嘅設備,相反亦一樣。
如果唔同華為合作,德國電訊商將會冇辦法快速咁消除5G信號嘅盲點。

而德國電信已經知會德國聯邦內政部,表明咗佢哋希望加強同華為合作關係呢個意願。

LEAVE A REPLY

Please enter your comment!
Please enter your name here