同世界上好多其他國家一樣,加拿大嘅5G發展由於疫情影響,正處於暫停狀態。

暫時只有 Rogers 喺幾個城市聯同供應商愛立信一齊推出咗5G服務。而 Bell 就決定推遲同供應商諾基亞嘅合作。至於 Telus 就似乎同佢嘅供應商華為等待緊加拿大政府進一步嘅消息。

Telus 發言人話公司已經為推出5G網絡做好咗準備,但係佢哋認為依家並唔係一個好嘅時機去推出呢個新網絡服務。
普遍嘅人都係關心緊疫情嘅發展,專注抗疫。相信大眾未有心情去注意5G服務推出。
不過佢就重申公司計劃喺未來三年內會投資400億美金喺5G發展上面。

Bell 喺2月宣布諾基亞成為公司第一間5G供應商,並聲稱隨住「下一代智能電話面世」推出5G服務。Bell 喺3月開始發售三星Galaxy S20 5G,Galaxy S20 + 5G 同 Galaxy S20 Ultra 5G,但係5G服務就未有一齊推出。

另一方面,Rogers 喺1月同供應商愛立信開始宣傳5G服務。公司表示,第一階段會喺溫哥華市中心,多倫多,渥太華同蒙特利爾推出2.5GHz頻譜5G網絡,並計劃喺下半年將5G服務擴大到覆蓋範圍更廣嘅600MHz頻譜。

加拿大嘅無線網絡速度同韓國睇齊,呢兩個國家嘅網絡營運商依家提供嘅平均下載速度係 59 Mbit/s,令到佢哋成為咗全世界流動網絡最快嘅兩個地方。

LEAVE A REPLY

Please enter your comment!
Please enter your name here