今日上海申通地鐵集團同上海電信、上海移動、上海聯通、上海鐵塔簽署合作協議並舉行開工儀式,喺上海地鐵5G系統建設同融合應用兩方面展開合作。

上海申通地鐵集團表示,今次5G系統建設,預計施工期為6個月,希望盡量可以趕得切喺今年進博會之前完成全市297個地下車站大堂、月台嘅5G網絡覆蓋。並且喺地鐵安全管理、營運服務、智能設備運用幾方面探索5G應用嘅可能性。

鐵路網絡每日用戶人數極多,對數據流量要求非常大、站與站之間嘅連接、移動同實時性要求高。5G正正就非常適合佢哋嘅要求,係未來鐵路交通網追求高質量發展,提升超大規模網絡覆蓋同穩定性嘅不二之選。

喺舊年嘅上海進博會,申通地鐵集團同電信營運商已經喺其中三條路線開始咗5G智慧地鐵應用示範。

消息指出,上海地鐵5G覆蓋正式開工。
目前上海正在加快5G網絡建設,截至4月底,已經建成嘅5G室外基站同室內小站兩者都超過1.9萬個。

為咗加快5G嘅推進,今年上海全市5G建設總投資接近100億,將累計建設3萬個室外基站同5萬個室內小站。
去到年底,全市5G平均下載速度將超過200Mb ,喺國展中心、同一啲主要商圈嘅網絡大規模覆蓋區域平均下載速度將會超過500Mb。

香港5G已經開通咗差唔多兩個月,普遍嘅意見都認為覆蓋率未算太好,港鐵車箱/ 沿線更加係未有相關消息幾時會有5G覆蓋。

希望各流動網絡供應商可以加快腳步去改善5G覆蓋率,令到5G可以盡快普及。

LEAVE A REPLY

Please enter your comment!
Please enter your name here