踏入2020年,成個智能電話行業正在慢慢向5G轉移。

甚至某一啲仲未開始推出5G網絡嘅國家,各大智能電話品牌都仍然照樣推出5G電話去搶佔先機。
喺呢啲未推出5G網絡嘅市場,各款新5G電話嘅目標用戶相對佔較少數。原因係大部份5G電話價錢都比較高。

當然一啲中價嘅5G電話慢慢開始推出市面,但係廠商們都好清楚,佢哋要盡量將5G電話價錢降低到普羅大眾都可以負擔得起呢個水平。

為咗達到呢個目的,高通為入門級智能電話帶嚟可以支援5G 嘅 Snapdragon 6 系列處理器。 根據消息人士透露,即將發表嘅 Snapdragon 處理器型號係 SM6350。

呢款處理器內置兩個2.25GHz Cortex-A77核芯,六個1.8GHz Cortex-A55核芯同一個Adreno 615 iGPU, GPU可以提升到850 MHz。

即將推出嘅 SM6350 並唔係市場上唯一嘅中/低價嘅智能電話中央處理器。
除咗高通之外,仲有聯發科嘅 MT6853,華為嘅麒麟720同三星嘅Exynos880。
毫無疑問,高通呢一款新型處理器將會為同級別產品喺性能同價錢方面帶嚟唔少壓力。

呢啲入門級芯片如無意外相信會喺今年下半年開始投入市場。到時5G電話嘅售價亦可以進一步下調,對推廣5G網絡絕對會有正面嘅影響。

LEAVE A REPLY

Please enter your comment!
Please enter your name here