日前有日本媒體就5G喺世界各地嘅發展作出咗分析。內容指出中國5G係各個國家當中普及得比較快嘅一個。

中國目前5G電話用戶已經突破5000萬,預計今年之內將會推出100款支援5G嘅智能電話。而中國嘅5G簽約用戶將會佔全球七成。

全球已經有20個以上國家開通咗5G服務,但係好多都只係喺某啲地區有覆蓋,而且受疫情影響,呢啲國家投資喺通信網絡建設方面明顯有所改變。反觀中國正在穩步擴大對5G網絡嘅投資。

2020年原本係5G喺全世界開始起步嘅第一年。但由於疫情大爆發,亦影響咗各國5G嘅進展。

2019年5月已經開通咗5G服務嘅英國,由於有傳聞話疫情同5G有關,今年4月開始就出現咗好多單5G設施被破壞縱火嘅事件。

喺法國,疫情導致全國停工,5G服務所需要嘅頻譜分配由原定4月變成無限期延遲。西班牙同奧地利等國家同樣都出現咗頻譜分配延期嘅情況。

韓國同美國喺2019年4月係全球最先推出5G服務嘅國家。但係美國好多5G網絡仍然興建當中,而且由於疫情擴大,亦冇人手去繼續興建中嘅工程。

韓國5G網絡用戶截至2月終於超過咗500萬,但亦只有中國嘅十分之一。而呢幾個月嘅新簽約用戶增長亦非常緩慢。

泰國喺3月開始推出5G服務,同月日本亦有3間電訊商推出5G網絡。不過,行業相關人士就表示,呢啲國家因為疫情嘅原因導致5G基礎設施建設全部推遲。
相對之下,由於中國疫情狀況開始減弱,為咗令經濟加快復甦,中國正在積極推進5G建設。

中國嘅5G服務已經覆蓋咗好多大城市,支援5G嘅電話型號亦超過70款,位居世界首位。反觀美國嘅 Apple 預計今年下半年先會推出第一款5G電話,甚至仲有傳聞話會延期推出。

據全球移動通信系統協會3月中發表嘅預測顯示,中國5G用戶喺今年之內會佔全世界約七成。2021年歐美同亞洲其他國家會慢慢按步增加,但係中國嘅用戶到2025年將會超過80億, 會佔世界嘅差唔多五成。

不過近期某啲國家聯手希望可以抗衡中國喺5G上面嘅影響力。之後會有點樣嘅發展真係要拭目以待。

LEAVE A REPLY

Please enter your comment!
Please enter your name here