全球第二大流動網絡營運商 Vodafone 日前提出警告,如果英國決定將華為由5G基礎設備供應商中移除,最終會導致英國喺5G技術領域領先世界發展嘅目標面臨失敗。

Vodafone 英國首席工程師 Scott Petty 喺一份聲明當中透露,如果網絡營運商們被迫嘥時間同金錢去更換現有嘅設備,英國將會失去喺5G領域嘅領導地位。

Scott Petty 表示,英國政府應該要努力擴大5G網絡覆蓋範圍,並對5G技術下一個階段進行投資,而唔係嘗試去除特定某一間中國公司提供嘅設備。

佢話英國政府唔應該針對某一間供應商,最重要係去了解邊一間供應商對邊一個範疇有利再加以利用。除咗華為,Vodafone 一路都有同愛立信合作,亦會測試其他新供應商嘅設備。

之前有報道指英國為咗尋找華為嘅代替品,目前正在同日本NEC,韓國三星就5G設備供應進行咗磋商。

英國政府喺今年1月宣布決定將華為喺英國嘅5G參與限制設定為市場佔有率嘅35%,並將華為排除喺5G核心網絡建設之外。

《金融時報》上星期報導英國政府將就美國對華為新制裁嘅影響進行評估同審查,並會喺7月底前報告相關情況,從而再次做出有關華為可唔可以繼續作為5G設備供應商嘅決定。

LEAVE A REPLY

Please enter your comment!
Please enter your name here