Bell 正式喺加拿大主要城市推出5G無線網絡。

公司表示,5G服務比4G更智能,更快同更高效能。暫時推出嘅地方有蒙特利爾,大多倫多地區,卡爾加里,埃德蒙頓同溫哥華。

喺嚟緊呢幾個月,Bell 嘅5G服務將會擴展到全國更多地方。

為咗加快加拿大嘅5G技術發展,Bell 仲聯同 Western University 合作建立咗一個先進嘅5G研究中心,包括喺校園範圍鋪設5G網絡。

依家喺蒙特利爾,大多倫多地區,卡爾加里,埃德蒙頓同溫哥華嘅 Bell 5G用戶可以獲得更快嘅流動數據速度同更快嘅反應時間。
喺接收範圍上面,5G用戶亦都可以同 Bell 全國4G LTE網絡無縫連接,Bell 嘅4G網絡覆蓋咗加拿大99%人口。

Bell 嘅競爭對手,加拿大另一間電訊公司Rogers 喺今年年頭已經喺溫哥華市中心,多倫多,渥太華同蒙特利爾推出咗5G網絡。
Bell 係加拿大第二間正式開通5G網絡嘅電訊公司。

LEAVE A REPLY

Please enter your comment!
Please enter your name here