諾基亞今日宣佈,中國聯通已經選定諾基亞作為中國5G核心網絡建設嘅合作夥伴,今次亦都係雙方喺目前4G網絡合作基礎上進一步嘅拓展。

諾基亞聲稱已經獲得中國聯通5G核心網絡建設大約10%比率。核心網絡執行各種主要功能,包括建立連線、頻寬管理、擴展同保護網絡,而5G核心網絡仲可以開放網絡去支援一啲新嘅、通過軟件升級嘅新功能。

中國聯通亦選擇咗諾基亞雲端服務(Nokia Cloud)嘅核心產品提供統數據管理、話音管理同用戶介面功能。並且將自家嘅 Data Refinery同NetAct網絡管理系統加入諾基亞嘅CloudBand應用程式管理器入面。

嚟到5G時代,雲端服務更趨成熟,統一數據管理係一項關鍵功能,佢可以高效低成本咁管理所有用戶數據同服務。

喺中國聯通嘅VoLTE網絡當中,諾基亞佔大概17%嘅市場比率,主要提供雲平台等產品。而今次呢一筆新交易將進一步加強中國聯通同諾基亞之間嘅長期合作夥伴關係。

之前,諾基亞為中國聯通4G網絡嘅成功建立提供咗關鍵性嘅支援。諾基亞今日表示,將繼續支持中國聯通5G網絡嘅發展同營運。
諾基亞今次總算仲可以喺內地嘅5G市場分一杯羹,力保不失。

LEAVE A REPLY

Please enter your comment!
Please enter your name here