香港同澳門一海之隔。香港所有擁有5G牌照嘅電訊商都己經各自推出咗5G網絡。
雖然喺覆蓋範圍上面仲未做到好完善,但總算趕上5G熱潮。
反觀澳門就一直只聞樓梯響。未有實際5G網絡嘅消息。

終於,澳門電訊有限公司啱啱尋日就喺大三巴牌坊至議事亭前地一帶舉辦咗一個傳媒5G戶外體驗。喺呢個體驗會度進行咗5G網速測試,最高下載速度達到1.2Gbps,下載1GB檔案只係需要10秒。結果令人滿意。

澳門電訊有限公司發言人表示,今年3月啟動投資6億澳門元嘅第一階段5G建網工程,目前進度已經超過80%,將會喺6月底完成建網工作。

建網工程完工之後,澳門將會成為亞洲第一個實現5G戶外全覆蓋嘅城市。下一個階段就係計劃將5G相關應用技術帶到澳門,盡快將5G各方面嘅好處引用到唔同範疇上面。

至於市民最關心嘅5G收費問題,發言人聲稱,由於發牌、頻譜資源等等工作仍然進行當中,公司正就市場發展進行研究工作,暫時未有具體收費計劃。

LEAVE A REPLY

Please enter your comment!
Please enter your name here