華為正式宣佈英國劍橋研發中心第一期規劃已經獲得批准。中心主要用於光學電子研發同製造。呢個將會係華為喺英國第四個研發中心,中心會成為華為光學相關業務全球總部。

消息一出就受到多家歐洲媒體爭相報導。法新社聲稱呢個研究中心會「進一步鞏固劍橋作為全英國科技中心嘅地位」。

長期以嚟,華為主要負責自家芯片設計,芯片製造業務主要通過外判交俾台積電負責。而依照目前華為受到美國重重封鎖之下,今次劍橋建廠亦被視為係減少代工依賴、打破美國封鎖,實現「設計+製造」二合一嘅重要一步。

據報導,英國南劍橋郡區議會於25號召開建設規劃會議,批准華為研發中心嘅建設規劃。南劍橋郡建設規劃會主席表示,項目建設方案符合當地建築法規,將會創造數百個就業崗位,推動當地基礎設施建設,為該地區帶來巨大經濟效益。

一期規劃用地9英畝,建築面積達50000平方米,計劃投資規模10億英鎊,預計將帶嚟400多個工作崗位,落成後將會成為華為海外光學電子業務總部。

華為高級副總裁張建崗表示,英國具有開放市場環境同一流人才,所以華為選擇喺劍橋建設業務研發中心、製造基地。
今次呢個研發中心規劃建設歷時超過三年。 2017年,華為開始為研發、製造基地選址,2018年完成南劍橋郡新址購買。並喺2019年初啟動規劃申請。

華為最初喺2019年4月提交嘅設計當中,研發中心將建造一系列大樓。不過經過諮詢當地居民並考慮咗自然生態環境等因素之後,華為喺2020年1月修訂咗原來嘅設計之後重新提交規劃申請。

今次成功獲得批准興建研發中心,會唔會令到華為同英國嘅關係大大改善,而美國又會唔會出力阻撓呢。真係要拭目以待。

LEAVE A REPLY

Please enter your comment!
Please enter your name here