近幾個月對於蘋果第一部 5G iPhone 嘅傳聞未停過。之前有消息話會延期推出,近期亦有消息話會照原定計劃發表。

啱啱就有報導聲稱一切都會按照計劃進行,蘋果如無意外會喺9月底之前宣佈 iPhone 12 系列幾款智能電話。
預測蘋果會公佈最少三款新機,而 iPhone 12 預計會係當中價錢最平嘅一款。

基本上,iPhone 12 系列新機將會使用蘋果自家基於5nm製造嘅 A14 Bionic 處理器。呢幾款新 iPhone 可能係第一批基於呢種高效整合5nm架構嘅量產智能電話。
呢款新處理器令蘋果可以提供性能更好嘅iPhone。同上一代產品相比,速度同耗電量都會有所改善。

而由零件供應商提供嘅最新消息顯示,台積電會生產 A14 Bionic,代工廠亦將會出貨8000萬片A14芯片。照呢個數字推測,蘋果喺2020年有可能會生產最多8000萬部 iPhone 12。
呢款處理器將會支持超高速嘅 mmWave 5G技術。

究竟係9月定係年尾12月?iPhone 好似已經有好多年冇令人噤期待過。今次 iPhone 12 終於再次有「萬衆期待」呢個氣勢。

LEAVE A REPLY

Please enter your comment!
Please enter your name here