星期一, 十一月 29, 2021
香港5G服務推出咗大半年,當各大網絡商都努力爭取緊流動網絡用戶嘅時候。數碼通就嘗試向另一個方向發展,搶先推出5G家居寬頻計畫。 雖然 sim卡家居寬頻並唔係咩新鮮事,但係數碼通就認為無線家居寬頻會喺未來市場佔一個重要地位。 只要可以接收到5G網絡嘅地方就即刻可以用,唔需要任何拉線或接駁。所以佢哋預測5G家居寬頻有機會可以取代固網寬頻。 數碼通發言人表示,若果以網絡速度比較,光纖極速嘅速度的確會更快。但係依家好大部分消費者喺使用網絡嘅時候,主要都係睇片、瀏覽網頁或者進行網上工作等等。一般10Mbps至20Mbps之間嘅網速已經足夠,5G嘅速度同傳統固網寬頻比較分別唔大,長遠睇有機會取代固網寬頻。 因為無線家居寬頻比較方便,唔須要上門安裝,只要屋企位置接收到5G訊號就可以。 有統計顯示全港或者有兩成家庭,因為住村屋、單棟樓或者傳統別墅而安裝唔到寬頻。 數碼通亦透露,5G家居寬頻推出以嚟,反應比預期更好,已經有幾千家用戶。 數碼通相信5G普及嘅速度會比4G更快,預計香港由4G過渡到5G只係需要兩年。 另外數碼通日前推出咗新嘅5G月費計劃,將入場門檻降低,月費$328就有35GB 5G數據用量。佢哋根據一般用戶使用手提電話嘅習慣估計,普遍都係瀏覽網頁同睇片,大部份人都唔需要每個月100GB咁大嘅用量。
4月1號推出5G服務之後。各個電訊商都推出唔同嘅優惠去吸引客戶上台。 近期疫情影響之下,學生們唔需要返學,打工仔亦好多留喺屋企工作。打機成為其中一個最好嘅娛樂,遊戲機同遊戲碟銷量都有所增長。csl啱啱就推出全新5G服務優惠「PlayStation 4主機優惠服務計劃」。 由星期五(4月10日)起,只要選用csl推出嘅 PlayStation 4 主機優惠服務計劃「PS4 Pro 2TB 遊戲組合」或「 PS4 MEGA PACK 遊戲組合」,就可以零機價獲得PlayStation 4主機。指定大專院校學生更可以免預繳出機。
好多香港人都需要香港內地兩邊走,4G 年代無論係漫遊定係用另一張內地數據卡都非常方便。就算返內地都唔會失聯。 嚟到 5G 年代,漫遊都係大家好關注嘅一項服務。 喺三間已經推出咗 5G 網絡嘅電訊供應商裏面,中國移動香港﹝CMHK﹞ 提供嘅 5G 服務計劃,除咗提供高達 300GB 極速本地 5G 數據之外,更包含高達 20GB 大灣區數據同話音。 CMHK 5G 服務計劃為客戶實現全面跨境通訊連接,對經常往返中國同澳門嘅朋友而言相當實用。客戶選用 5G 服務計劃可於中國內地/香港/澳門免費任聽來電,亦可以享用每月高達 500 分鐘大灣區通話分鐘。
香港5G流動網絡服務推出咗差唔多一年,轉用咗5G服務嘅人數亦都唔少。 中國移動香港啱啱就透露,喺咁多個唔同嘅5G月費計劃當中,以最平198蚊擁有30GB數據用量呢個最後歡迎。 所以為咗吸引更多人由4G轉用5G,佢哋會進一步降低門檻,推出168蚊10GB嘅新月費計劃。 而公司喺舊年亦都奪得機場5G工程招標項目,第一期工程已經完成。 中移動香港又推出咗5G無人機計劃。支援5G聯網嘅無人機可以用於工程監察、應急救援等項目。 另外仲有串流直播計劃「直播背包」等等。 除咗以上涉及個人同商業嘅用途之外,中移動香港同時亦向家庭寬頻方面發展。 2019年公司已經開始自建寬頻網絡,並且已經成功覆蓋110萬戶,再加上租用其他電訊網絡提供商嘅寬頻,合共覆蓋超過240萬戶。 至於網速方面,中移動香港同時公佈,根據速度測試網站 speedtest.net 統計結果顯示,舊年10月到今年2月期間,中國移動香港平均5G上載速度係32Mbps、時延係10ms。 喺香港4間5G網絡提供商當中排名第一,無論係用 iPhone 定係三星手機測試都得到同樣結果。 至於另一間流動網絡提供商3香港亦都宣佈,推出5G服務一周年,係全香港第一間利用3.5ghz黃金頻段成功建設超過1000個基站嘅網絡提供商。 呢1000個基站當中覆蓋咗港、九、新界人流密集地區,為用戶提供咗充足嘅5G網絡容量。 3香港5G流動網絡目前已經達到99%全港覆蓋,廣泛覆蓋港九新界同離島地區。 並且喺3.5ghz黃金頻段禁飛區相關地區,包括馬鞍山、大埔同赤柱等同時提供5G服務。 3香港5G服務推出一年以嚟,截至舊年年尾5G客戶佔總月費客戶超過10%。
尋日啱啱講完 csl 現有客戶可以免費試用 5G 網絡,依家唔係現有客戶都可以免費試用佢哋嘅 5G 服務啦。 csl 宣佈由即日起至 2020 年 5 月 31 日,全港 5G 電話用戶可以喺全線 csl 專門店登記免費試用 30 日 5G 服務。只要有 5G 電話就可以登記 (部電話要係香港行貨)。 非...
香港 5G 流動網絡服務推出已經超過一年,4間主要網絡提供商都各有唔同月費計劃同增值服務去吸引用戶由 4G 轉用 5G。 不過想轉用 5G 嘅用家原來除咗 3香港,CSL/ 1010, 中國移動香港同數碼通之外,仲有另一間公司可以選擇。佢就係香港寬頻。 香港寬頻日前推出咗自家嘅 5G 服務月費計劃,同以前 4G 月費計劃一樣,佢哋所提供嘅5G 服務都係租用其他網絡提供相嘅網絡。 香港寬頻嘅 4G 服務主要都係由數碼通同中移動香港提供。不過根據香港寬頻網頁顯示,今次 5G 服務嘅網絡將會改由 3香港提供。 而最新嘅...
香港 5G 服務將會喺 4 月 1 號起正式推出。 四間擁有 5G 網絡牌照嘅電訊公司裏面,有三間已經發表咗佢哋嘅 5G 月費計劃詳情。 而 SmarTone 今日就宣佈推出三星 Galaxy S20 系列上台計劃,當中就包含咗 5G 升級優惠。當 SmarTone 5G 服務計劃正式落實之後就可以享有升級保證。
香港3大電訊商香港電訊、3香港、中移動喺4月已經開始咗提供5G網絡服務。 而香港唯一一間採用 Ericsson 5G技術嘅電訊商數碼通(SmarTone),今日終於公布咗5G月費計劃詳情。 SmarTone 5G月費計劃價格為$398,可享用80GB數據。如果80GB唔夠用,仲可以加$80,享有無限5G流動數據。 SmarTone 5G由今日下年4點開始啟用。客戶喺8月31號前加入SmarTone 5G計劃,更可以享有每月額外20GB 5G數據。即係每個月總共有100GB。 而每個月用唔哂嘅5G流動數據,可以儲起下個月或者之後用,最多可以儲500GB。 SmarTone 目前喺全香港已經有70%地方擁有 5G 網絡覆蓋,並且預計喺下年中達到室內、外全面覆蓋,包括喺未來數星期內喺港鐵沿線推出SmarTone 5G服務。 另外 SmarTone...
今日起香港三個網絡供應商都同日推出5G服務。 中移動香港就喺今日凌晨零時零分啟動佢哋嘅5G服務。 而 csl 今日亦宣布推出5G迎新限定優惠。於4月1日至7日,新上台或續約客戶選購指定csl 5G服務計劃或1O1O 5G尊尚服務,都可以於承諾期內每月額外獲贈30GB本地流動數據。 4月1日前已經選購咗5G服務計劃嘅客戶,都可以得到呢個優惠。 另外由4月1日起,新上台或續約客戶選購Samsung Galaxy S20、S20+、S20 Ultra,以及登記指定csl 5G服務計劃或1O1O 5G尊尚服務,可以享受額外雙重優惠。 1.除可以享有Now E「英超西甲」2020/21 4K賽季通行證(價值:1,680元)之外, 2.更可以享有免費6個月MOOV 24 bit音樂服務(價值:660元),或免費6個月csl 5G VR應用程式(價值:468元)。
3香港宣佈,遍佈港九新界嘅「3香港@豐澤」豐澤門市店中店已經增加到26間。 「3香港@豐澤」店中店可以辦理上台、續約、更換SIM卡、轉名、繳費及自動轉賬等等服務。為咗慶祝呢個新合作,全線3香港推出咗一系列限定優惠。 即日起客戶去豐澤店中店選用指定5G月費計劃,包括SIM月費計劃、機王月費計劃及共享SIM月費計劃等,月費只需要$248起,更可獲贈價值$2,000豐澤現金券。 上5G家庭現金券 plan 會有$21,000豐澤現金券,可以喺豐澤換購各款手機及家電產品。 只要選用共享SIM月費計劃,頭兩張SIM每張月費$614,另以每張$120月費額外加配最多3張SIM,每張加配SIM可增加多達27GB共享5G數據。可以同屋企人分享,又可以獲得高達$21,000豐澤現金劵。 如果你係 MoneyBack 易賞錢會員,5G上台即享高達6,000易賞錢積分同埋每月額外10%數據。 而使用指定信用卡簽帳再送$200豐澤現金券。 優惠詳情及「3香港@豐澤」地址: http://bit.ly/3ant3rC