星期五, 十月 22, 2021
韓國信息通信技術部啱啱表示,韓國訂下目標希望喺未來五年內成立大約1,800間專門從事新5G服務嘅公司。目的係促進更多採用新一代5G流動網絡嘅創新技術。 雖然韓國喺2019年已經推出咗5G服務,但係坊間好多公司都仲未有一啲新技術或服務可以充分利用到5G高速網絡。例如遠距離遙控工廠、自動駕駛汽車又或者3D立體像真圖像等等。 信息通信技術部嘅目標,係由目前94間專門研發新5G服務公司嘅數量大幅增加。力求喺5G網絡相關技術上面擁有更強競爭優勢。 呢項計劃會支持推出5G相關服務嘅公司,包括包含AR同VR嘅網上課程,以及針對小型企業嘅多元網上商店。 隨住開發5G網絡相關技術公司數量增加。信息通信技術部嘅目標係去到2026年,應用5G服務嘅地點由目前195個增加到3,200個。 部門仲研究緊喺2023年建立一個全面5G化嘅城市,不過暫時呢個計劃都仲係處於規劃階段。 截至6月底,韓國擁有1650萬名5G用戶,佔全國流動網絡用戶總數23%。
網絡研究公司 Opensignal 最近公佈咗加拿大 5G 流動網絡調查結果。Rogers 喺三大加拿大網絡提供商當中成績最好,排名第一。不過「最佳流動影片體驗」呢個項目就由 Telus 奪冠。 研究佈告顯示,相比起 Bell Canada 同 Telus,Rogers 喺大部份 5G 評分當中都處於領先地位。 由用戶流動設備收集所得數據得出嘅結果,同上一份4月得出嘅報告相比,Rogers 用戶喺 5G 接收同覆蓋範圍都有進步,亦係三大網絡提供商當中表現最出色嘅一間。 喺之前嘅一份報告當中,Rogers 同 Bell 喺...
諾基亞宣佈聯手流動網絡提供商TPG,喺澳洲推出全球第一個5G SA 700MHz 網絡服務。 呢個 700MHz 5G 網絡,係澳洲國內頻段最低、覆蓋範圍最廣嘅 5G SA 網絡。可以配合 TPG 現有網絡為用戶提供室內室外、城市郊區全覆蓋嘅5G服務。 今次嘅合作,諾基亞將會提供最新、使用 ReefShark 晶片嘅 AirScale 系列產品。當中包括適用於700、850 以及 900 MHz 頻段嘅諾基亞獨有三頻段 RRU。 呢個設備唔單止可以同時支持3G、4G 同 5G 服務,仲可以涵蓋所有...
現今社會,手提電話已經成為大部份人嘅必須品。 好多人甚至係機不離手,工作、娛樂、溝通等等都係靠哂部手機。 每年升級手機都好似變咗係必然嘅事,所以好多手機廠商都密密推出新型號。 近日中國信息通信研究院發表報告,2021下半年通訊業將會迎接新一輪增長。 5G通信帶動晶片、設備等等全線行業鏈規模增長。 預測去到2023年,全球5G手機出貨量將會超過7億部,佔全球智能手機市場50%。 而全球5G基站累計將會超過500萬個,平均增長速度超過50%。全球5G零件市場規模接近千億美金。 2023年數碼化轉型喺全世界投資額中嘅比例亦都會超過50%,傳統行業轉型更加會推動電腦/ 電子設施建設大幅加速。2020年至2024年呢四年裏面,工業、汽車等等行業嘅晶片需求都會急劇增加。
高通全球副總裁之前接受訪問嘅時候表示,5G喺中國發展得非常成功,原本業界都認為5G真正廣泛推出嘅時間係2020年。不過實際時間上比預期提前咗一年。 今年被普遍認為係5G嘅擴展年。根據中國工信部資料顯示,今年上半年中國連接5G網絡嘅手機數量達到3.65億部,佔全球80%以上,遠遠超過任何其他市場。 基本上每一個國家嘅流動網絡提供商嘅5G發佈會上面,都可以見到唔同嘅中國5G手機品牌。 5G以及人工智能都係屬於基礎技術,有咗高速嘅網絡之後,好多唔同嘅技術/程式可以喺上面運行。 比如電競同遊戲,兩者都可以充分體現5G高速網絡嘅好處。而高通嘅 Snapdragon 8系晶片亦能夠提供極速5G同Wi-Fi 6網絡連接,可以俾玩家享受到高速低延時嘅遊戲體驗。
近日全球固網寬頻及流動網絡測試公司 Ookla 發表咗關於5G網絡速度嘅結果。 阿聯酋首都阿布扎比喺 2021 年上半年擁有全球最快平均下載速度 (421.26Mbps)。 呢個結果係根據 Ookla 旗下嘅 Speedtest 應用程式同網站收集到嘅數據分析出嚟。主要係測試已經推出咗5G服務嘅國家,睇吓邊一個國家首都擁有最佳5G速度同覆蓋率。 阿聯酋電信及數碼監管局發言人表示,今次成為全球最高速5G網絡呢個成就證明咗阿聯酋政府對科技發展嘅決心同實行能力。並成功將國家置於數碼轉型方面嘅領先地位,同時成為數碼科技創新領域嘅先進國家。 發言人進一步提到,5G喺數碼化轉型擔綱重大角色,為各行各業同國家帶嚟好多新機遇。依家5G所達到嘅超高速體驗係多得網絡提供商 Etisalat 同 Du 喺發展5G網絡方面所做嘅努力。
5G網絡喺香港已經推出咗一段時間,用戶人數亦都越來越多。 日前3香港就宣布,由於市民對2G服務嘅需求日益減少,將會喺9月30號停止旗下嘅2G服務。 3香港同時表示,全球電訊市場已經逐步邁開5G網絡,智能電話亦都相當普及。 香港舊年嘅智能電話滲透率已經超過九成。而3香港自從舊年4月推出5G服務之後, 客戶陸續升級到5G網絡,2G客戶人數更加係越來越少。2021年第二季2G只佔客戶總數大約0.1%。 3香港喺今年1月已經將用於提供2G服務嘅 900GHz 頻譜重新編配,1800GHz...
新加坡電訊業監管機構提出咗一項促進5G服務嘅提議。 由於目前全新加坡範圍內5G無線電波短缺,現有3G流動服務嘅無線電波將會重新進行拍賣。 拍賣會喺今年年底舉行,因為目前用於3G服務嘅 2.1 GHz 頻段使用權將會喺今年年底到期。 電訊業監管機構 - 信息通信媒體發展局 (IMDA) 希望通過無線電波重組可以加強新加坡5G信號覆蓋率,用以支持大規模推出流動雲端遊戲同無人駕駛汽車導航等等下一代服務。 IMDA 喺一份聲明中表示,2.1 GHz 頻段具有良好傳播嘅特性,適合用於5G嘅廣域覆蓋。 所有新加坡嘅流動網絡提供商 — 新加坡電信、StarHub、M1 以及 TGP Telecom...
西班牙喺 700MHz 頻段中適用於 5G 頻段嘅拍賣當中總共獲得11億歐元收入。Orange、Telefonica 以及 Vodafone 各自投入超過3億歐元。 西班牙經濟事務部詳細公佈咗拍賣結果。拍賣所得嘅總金額比起底價高出大約1500萬歐元。 每個牌照有效期為20年,最長可以去到40年,直到2061。 拍賣將 700MHz 頻段分為兩段 2x10MHz 同三段 5MHz,總共經過12輪競投。今個月頭另一間西班牙流動網絡提供商 Masmovil 退出拍賣,最後只剩低三大網絡提供商參與競投。 三間網絡提供商喺拍賣結束之後都各自發表聲明。 西班牙 Vodafone 表示,除咗每年支付1550萬歐元嘅牌照費用,佢哋仲會喺 2x10MHz 頻段上面作出3.5億歐元嘅一次性付款。...
中國移動之前計劃就5G網絡700MHz頻段,購買大約48萬個相關頻段基站。佢哋亦都同中國廣播電視網絡有限公司簽訂「共建共享」合作協議,將會一齊投資開發700MHz頻段嘅5G網絡。 中國移動啱啱公佈咗旗下700MHz 5G頻譜無線網絡設備供應商嘅中標名單。一如所料,中國公司佔咗訂單嘅最大比例。華為喺3份合約當中佔大多數,中興第二。 華為成為最大中標公司,中標比例大約佔6成。而中興中標比例大概3成。 除咗呢兩大網絡設備供應商,諾基亞、大唐移動同愛立信都有份中標。 諾基亞亦宣佈成功獲得喺中國嘅第一份5G無線設備合約,喺中國移動3份新5G合約當中佔一席位。相反,愛立信就失去咗部份合約。 市場原本預計愛立信喺今次中國移動5G設備投標裏面佔嘅比例會更低。因為瑞典宣佈咗會禁用華為同中興嘅5G網絡設備,普遍認為中國會作出報復行為,禁止愛立信參與5G網絡建設。 諾基亞方面,舊年並冇獲得任何中國5G設備合約。不過今次中國移動3份合約當中就獲得其中一份嘅10%比例,而愛立信就獲得另一份嘅9.6%。 除咗中國移動,中國另外兩間最大嘅流動網絡提供商中國電信以及中國聯通,亦會喺近期宣布第二階段5G合約嘅中標者。