星期五, 十月 22, 2021
四月一號開始,香港正式進入 5G 時代。之前已經有三間網絡商公佈咗 5G 服務月費。 而中國移動香港(CMHK)今日(31日)就舉行網上發佈會,正式宣佈將會喺4月1號零時零分正式啟動 5G 網絡服務。 CMHK 早前公佈旗下嘅 5G 月費計劃,最平月費只需要港幣$198就可以登記「5G體驗服務計劃」,而今日發佈會上亦進一步宣佈更多細節。 CMHK 表示佢哋 5G 網絡優勢有 3 個:佢哋係本港目前擁有最多 5G 網絡頻譜本地流動網絡營運商之一 (共 520 MHz);擁有連續最寬嘅 3.3GHz-3.5GHz...
一路以嚟5G嘅用途俾咗好多幻想空間大家。 最近西班牙流動電訊商 Telefónica 同巴塞隆拿交通局(TMB)聯同媒體公司合作打造咗一個融合 5G AR 嘅觀光巴士體驗。 當巴士路經唔同景點嘅時候,乘客就可以喺巴士車頭大玻璃窗見到唔同嘅相關內容。 呢個 5G AR 巴士遊係 "5GBarcelona" 計劃嘅一部份。5G 網絡可以做到實時下載路經地方嘅相關內容,然後將內容顯示喺位於巴士車頭玻璃窗嘅透明互動式屏幕上面。 例如,途中巴士會經過一個歷史悠久嘅噴泉,但係個噴泉依家正在修復當中唔會有水噴出嚟。但係透過屏幕睇出去嘅時候,會用虛擬配合實景令乘客睇到個噴泉係噴緊水嘅。 另外當架巴士穿梭城市唔同大街小巷嘅時候,屏幕上仲會顯示有關建築物同古蹟嘅歷史資料。
暫時公佈咗嘅5G月費計劃,由8GB到300GB都有。價錢當然係其中一個重要因素,但係選擇幾多GB先會夠用呢? 使用5G服務喺數據用量上係咪一定會多過4G呢? 事實上由於5G網絡速度大幅提升,用戶可以喺電話收睇更多高清內容同音樂,加上打機亦可以用更快更低延時同朋友對戰等等。 用戶使用嘅數據量一定會上升,至於係咪真係需要到100GB,就視乎個人需要。 事實上,上個月有海外研究機構發表咗一份研究報告。研究以全球第一個推出5G商用服務嘅南韓作為研究對象。南韓前年底開始推出5G服務之後,直到舊年年底用戶達到470萬人,佔全國流動電話用戶7%。而呢批5G流動數據先頭部隊嘅使用量,亦都比4G用戶高出約3倍。 南韓嘅5G用戶平均每月使用27GB數據,而4G用戶則為9.8GB。如果只係計算使用無限上網用戶嘅話,5G用戶嘅使用量更高達33GB,高過4G無限上網用戶嘅25GB。 5G嘅推出除咗提供更快速嘅網絡傳輸,仲有負責「分流」呢個關鍵角色。分流啲乜嘢? 因為目前嘅流動通訊網絡,喺各式各樣設備都可以上網嘅情況下,已經差唔多負荷唔到。 5G嘅推出可以分擔咗一部份4G網絡嘅負擔,網絡擠塞嘅情況亦都會大為改善。 而南韓嘅經驗亦都話咗俾大家知,呢批5G先鋒雖然只佔總用戶7%,但係佢哋產生嘅互聯網流量卻佔整體用戶嘅兩成。亦都令4G流量嘅佔比由超過九成,在短短一年內跌到七成七。 根據各個電訊公司公佈,5G推出之後配搭嘅增值服務,都係以超高清影音、VR、AR 等等做賣點,而呢啲服務都需要使用大量數據。 究竟100GB係多定係少?真係要等多幾日5G服務正式推出先會知。
香港 5G 服務將會喺 4 月 1 號起正式推出。 四間擁有 5G 網絡牌照嘅電訊公司裏面,有三間已經發表咗佢哋嘅 5G 月費計劃詳情。 而 SmarTone 今日就宣佈推出三星 Galaxy S20 系列上台計劃,當中就包含咗 5G 升級優惠。當 SmarTone 5G 服務計劃正式落實之後就可以享有升級保證。
香港電訊、電訊盈科媒體及南韓創新流動網絡營運商 LG U+ 公佈一項獨家合作。 呢項合作會為香港 CSL Mobile 5G 用戶獨家引入以虛擬實境 (VR) 打造嘅 K-pop 內容,令到流動通訊用戶喺新一代嘅 5G 網絡下,可以享受革命性嘅流動娛樂體驗。 電訊盈科媒體、LG U+及香港電訊將會為 CSL Mobile 5G 用戶獨家提供韓國深受 K-pop 粉絲歡迎嘅 SBS 電視台音樂節目《The Show》。
之前報道過日本三大電訊商有兩間已經公佈咗5G服務推出日期同價錢。 喺今日,另一間電訊商 KDDI Corp. 亦都公佈咗5G服務嘅詳情。KDDI 表示將會喺今個星期四推出5G服務,無限數據月費計劃價錢係8,650日元(大概600港幣)。 星期四開始,KDDI 旗下嘅 au 流動電話服務客戶可以享有多重優惠,無限數據月費可以低至3,460日元 (大概240港幣)。 KDDI 嘅競爭對手 NTT Docomo Inc. 同 SoftBank Corp. 分別會喺星期三同星期五推出5G服務。 KDDI...
繼 3HK 之後,中國移動香港同香港電訊 HKT 就喺同一日發表咗旗下 5G 月費計畫詳情。 三間電訊商都會由4月1號開始提供5G服務。 csl 月費由$198/ 8GB 起,$298/ 12GB, $398/ 80GB, $498/ 150GB 到 $698/ 300GB。
NTT Docomo Inc. 今日宣佈,將會比競爭對手 SoftBank Corp. 早兩日,喺3月25號推出5G電訊服務。 NTT Docomo 表示,佢哋提供嘅5G服務月費為7,650日元(不含稅), 數據量高達 100GB。 不過喺開台優惠活動期間,數據用量將不設上限。 呢間全國最多用戶嘅電信營運商仲表示,截至3月31號,佢哋將會喺日本約150個地區提供5G服務。並計劃6月底之前喺47個縣,每個縣安裝最少一個網絡基站。 到明年3月下旬,預期會喺500多個城市安裝基站。 NTT Docomo 發言人表示新嘅5G技術有望令用戶發送同接收數據嘅速度比現有4G網絡快100倍左右。用戶幾秒鐘內就可以成功下載一套兩小時嘅電影。
2019年被稱為5G元年,而今年將會迎接5G第一波熱潮,包括華為、中興、愛立信、諾基亞等設備供應商,以及手機廠商同全球各地嘅電訊營運商都已經積極部署中。 對商業而言,5G帶嚟嘅好處數不勝數,VR、無人駕駛機、智能醫療等領域都可以因為5G而得到突破性嘅發展。 不過,現階段嘅5G似乎仲未得到廣大消費者嘅認可。以中國為例,各個營運商都不斷為自己嘅5G服務加強宣傳,力求爭取到更多用戶;但係真正選用5G服務嘅用戶未算太多。 問題究竟出喺邊度? 一、5G計劃月費同智能電話價格偏高 想要享受到5G網絡,首先要具備兩個條件,一部支持5G網絡嘅電話同營運商提供嘅5G服務計劃。 但目前市面上嘅5G電話同服務計劃價錢普遍偏高。今年已經發布咗嘅5G電話價錢普遍都要五六千蚊,比較平嘅都要喺三千蚊以上。包括三星S20、小米10、華為Mate 30在內,售價從四千到上萬不等,遠超過大部分普通消費者嘅心理關口。 二、5G並非消費者必需,4G仍然係用戶首選
基於新嘅國際指引,用於5G服務嘅頻率被確認為安全對人體冇害。 國際非電離輻射防護委員會(ICNIRP)喺過去七年裏面一直努力製定一份新嘅指引。 之前嘅指引係喺1998年制定,ICNIRP 表示呢套測試準則用於5G仍然有效。但係,近期更新嘅準則將提供更多保障。主要涉及高於6Hz嘅頻率 (呢段無線電波將用於高容量5G)。 某啲人一路以嚟都擔心5G電波嘅安全性,ICNIRP 希望透過更新咗嘅指引能夠令大衆放心。 新嘅指引係透過對所有相關科學文獻,科學研討會同廣泛公眾諮詢過程進行全面審查之後製定。 同1998年文件相比,新指引包含有關全身或部分人體暴露和有限暴露嘅具體規定。 只要遵守呢啲新準則,5G技術係唔會對人體造成損害。 ICNIRP 嘅建議同英國監管機構 Ofcom 嘅建議相符,Ofcom 最新一輪頻譜測試表明5G網絡唔會對公眾構成健康風險。