星期日, 九月 26, 2021
根據最新報導顯示,中國最新嘅流動網絡提供商中國廣播電視網絡 (CBN) 已經開始咗 5G 網絡無線接入部分嘅招標。 招標尋求 700MHz 頻段提供總共 480,400 個 5G 基站。基站由中國廣電嘅網絡合作夥伴中國移動營運。中國移動係目前中國最大嘅流動網絡提供商。 作為兩間公司推出共享5G網絡嘅一部分,中國廣電同中國移動今年計劃部署40萬個5G基站。 兩間公司預計共享網絡將會喺未來兩年內覆蓋全國。 中國廣電2020年10月喺北京成立,成為中國第四間流動網絡提供商。 中國廣電目前喺 700 MHz 頻段擁有 80...
根據最新研究報告顯示,LG Uplus 嘅5G網絡喺韓國首爾無論係速度、延時同覆蓋範圍方面都比其他流動網絡提供商優勝。為用戶提供咗最佳嘅5G體驗。 報告裏面比較咗2021年上半年韓國四個主要城市嘅5G性能。 就 LG Uplus 而言,佢哋已經係連續第三年保持5G網絡領導者嘅地位。 另外報告亦發現 ,雖然 LG Uplus 嘅5G帶寬只有80MHz,低過對手 KT 同 SK Telecom 嘅100MHz帶寬,但係對頻譜利用嘅效率係最高嘅。 流動網絡已經成為社會裏面嘅基礎設施,同水、道路或者電力一樣重要。 韓國流動網絡提供商喺推出有助推動5G體驗嘅相關應用程式方面處於領先地位。 根據嚟自另外四個國家嘅5G報告結果,首爾嘅...
隨住 Telstra 公佈流動網絡覆蓋範圍,將會有更多澳洲人可以使用高速嘅 5G 網絡。 澳洲流動網絡提供商 Telstra 之前公佈咗公司最新嘅網絡覆蓋範圍數據。 Telstra 喺 3G 同 4G 網絡方面表現非常理想,當然 4G 仍然係依家嘅主力。5G 正在處於起步階段,不過增長率都令人滿意。 4G 網絡基本上代表咗澳洲大部分手機用戶。Telstra 已經覆蓋咗 99.4% 人口,覆蓋面積超過 200 萬平方公里。公司表示,4G...
法國主要流動網絡提供商 Orange 表示,由於受到美國壓力之下,喺法國國內要使用華為5G設備似乎越來越困難,但係公司將會繼續同華為喺非洲推出5G網絡方面合作。 呢個亦都表明咗華為設備嘅價錢同質量仍然有一定嘅優勢。雖然受到美國極力打壓,但係華為同歐洲各個流動網絡提供商嘅合作仍然會繼續。 法國 Orange 發言人指出,公司喺非洲同中國設備供應商嘅合作越來越多,因為中國供應商一直有喺非洲進行投資,反而歐洲供應商一直猶豫不決。 不過 Orange 同華為嘅合作只係限於非洲,喺歐洲5G網絡設備上面將會繼續避免使用包括華為同中興在內嘅中國供應商,而選擇愛立信同諾基亞等供應商。 歐洲各國政府喺美國壓力之下禁止中國高科技公司參與5G網絡興建。 英國已經禁止華為參與5G網絡建設,其他國家亦都為中國供應商設置重重障礙,例如阻止佢哋參與5G網絡嘅核心部分。 華為依家可以做嘅只係努力維持目前喺歐洲市場嘅市佔率,而唔係尋求增長或擴張。 不過分析人員認為,華為絕對唔會輕易放棄已經投資咗幾十年嘅歐洲市場。 華為同歐洲網絡提供商將會以唔同方式繼續合作。而合作係建基於市場選擇,而唔係政治選擇。
高通啱啱對外表示,預計嚟緊會同 30 幾間流動網絡提供商以及電信設備供應商合作。呢啲網絡提供商同設備供應商全部都承諾會使用更快嘅 5G 網絡技術。 目前 5G 網絡使用多種技術。 當中被業內人士稱為 “sub-6” 嘅低頻版本優點係可以遠距離傳輸,但係速度上就只係比 4G LTE 網絡快少少。 而最快嘅 5G 版本係使用更高頻率,被全球最大智能手機晶片供應商高通稱為 “毫米波”(mmWave) 嘅 5G 制式。 mmWave 技術好處在於,喺一啲人口密集區域,當有好多人同時連接到流動網絡嘅時候都可以保持穩定同高速。例如喺球場裏面大量球迷同時將拍到嘅短片上傳到自己社交平台,mmWave 就有好大優勢。
商務及經濟發展局局長邱騰華早前出席一個活動嘅時候指出,目前香港5G覆蓋率已經成為全球第一名。 嚟緊政府希望將5G應用推廣到市民嘅日常生活當中。 而中國移動香港不經不覺已經喺香港成立咗24年,客戶人數亦正式突破500萬。 為咗慶祝,中國移動香港公佈咗一系列優惠計劃,鼓勵香港市民盡快轉用5G網絡。 當中包括新嘅5G優惠服務計畫,50GB 5G本地數據,月費248港元起。 另外,攜號轉台客戶選用$248 5G服務計劃並簽約30個月,可以豁免6個月月費、免費任用本地數據 (最高達 50Mbps) 等優惠。 而為咗可以俾更多市民試用到佢哋嘅5G流動網絡服務。 中國移動香港將會免費送出10萬張5G體驗卡。 10萬張5G體驗卡數據上限為30GB,之後會安排喺各區派發,詳情稍後會再作公佈。
有電訊分析機構對韓國 5G 網絡進行咗最新分析。 結果顯示韓國 5G 網絡係全世界 5G 網絡當中嘅表表者。 韓國一直以來都係 5G 網絡其中一個重要嘅推動者。佢哋好早已經完成關鍵中頻同毫米波 (mmWave)頻譜嘅拍賣。 韓國三大流動網絡提供商喺 2019 年已經正式推出 5G 網絡服務。 報告裏面提到喺 2021 年 5 月 6 號至...
愛立信之前發表左一個研究報告,根據佢哋嘅預測,到 2021 年尾,5G 流動網絡用戶將會超過 5.8 億,估計每日新增 100 萬個 5G 流動用戶。 呢個預測結果亦增強咗電訊業對 5G 會成為普及速度最快嘅一代流動網絡嘅信心。 預計到 2026 年底,5G 用戶將會達到 35 億,5G 人口覆蓋率將達到 60%。 當然普及速度因地區而異。 歐洲起步比較慢,喺推出 5G 網絡速度方面繼續落後於中國、美國、韓國、日本同海灣阿拉伯國家。
台灣5G流動網絡嘅競爭已經進入白熱化階段。 中華電信為咗搶佔5G網絡覆蓋第一,早幾日再次公佈將會耗資30.46億台幣向愛立信購買新一輪嘅5G設備。 加上6月中向諾基亞購買嘅23.9億設施,合計6月就已經增加咗54.36億嘅5G設備支出。 由於中華電信喺年頭嘅時候已經用咗125.9億去添置5G設備,到現時為止2021年5G設備花費超過180億。 而2020年亦用咗73.85億喺5G設施上面。即係話中華電信由舊年6月尾5G開台,截至目前為止5G設備採購金額已幾高達254.11億。 係台灣五大流動網絡提供商當中投資最多嘅一間。 根據截至今年4月30號嘅最新統計數字,台灣4G基站總數達到10萬4,507座。其中,中華電信30,357座、市佔率最高,有29%。其次係遠傳23,323座、台灣大哥大22,711座、台灣之星16,646座,以及亞太電信嘅11,570座。 5G方面,以5G用戶人數進行統計,截至第一季全台灣5G用戶總數達到193.2萬。預測今季有機會新增超過60至70萬5G用戶。 至於5G基站數量目前無任何官方統計數字,只係台灣大哥大4月尾公佈3.5GHz頻段嘅基站數量已經達到6,000座。 遠傳電信6月1號公佈全台灣5G基站超過6,000座,以及中華電信強調基站數量「遠遠超過」台灣大哥大。 市場人士保守估計三大網絡提供商5G基站總數量超過2萬座。 雖然中華電信冇未公佈實際5G基站數量,但係業內人士相信佢哋5G基站數量目前為止係領先其他幾間公司。
由於受到疫情影響嘅關係,加拿大將5G頻譜嘅拍賣時間推遲咗。嚟緊終於都可以重啟啦。 5G流動網絡其中一個好重要嘅頻譜3500MHz,加拿大各個流動網絡提供商都對呢個拍賣期待咗好耐。 本來加拿大計劃2020年6月舉行拍賣,但係受疫情影響一拖再拖之下,直到依家先正式開始。估計成個拍賣會持續幾星期,政府將會喺172個加拿大服務地區批出1504個牌照。 Bell、Telus 同 Rogers 係加拿大三間最大規模嘅流動網絡提供商,佢哋加埋差唔多佔咗成個加拿大市場嘅90%。 一啲將會參加今次拍賣嘅小型網絡提供商認為,最近頒佈嘅特殊監管規定有偏袒三大網絡提供商之嫌。 其實加拿大好多流動網絡用戶都對三大網絡提供商有不滿。因為佢哋嘅收費對比其他國家嚟講相對地高。之前加拿大政府曾經警告過幾間網絡提供商如果唔將費用降低25%,政府將會採取行動去干預。 對上一次嘅5G頻譜拍賣係 600MHz,最終成交價大約 28.7 億美金。 而今次嘅拍賣將會有23間公司參與競投,其中包括地區性網絡商 Cogeco、Quebec 旗下嘅 ...