據外媒報導，近期網絡上嘅陰謀論試圖將疫症同5G技術扯上關係。雖然呢個講法冇任何科學根據，之前亦已經澄清咗。不過英國呢幾日仍然有多座5G基站被焚燒。
呢啲陰謀論喺 Facebook、Instagram 呢類社交平台上面極速散播。而美國聯邦緊急事務管理局（FEMA）同聯邦通信委員會（FCC）都非常明確咁指出：「5G技術唔會造成病毒擴散。」
一啲未有5G網絡嘅國家亦一樣有爆發疫情，而5G網絡嘅電磁波並唔會對人體造成傷害。今次嘅疫情係由一種同電磁波完全無關嘅傳染性病毒引起。總括嚟講，5G同疫情唯一有嘅關聯就係噤啱兩樣都係差唔多時間發生。
之前流傳嘅陰謀論認為，病毒可以通過5G網絡傳播，或者5G網絡影響咗人體免疫系統。呢兩種講法都不符合事實。如果想要理解為什麼5G同病毒冇關，咁就要了解點解5G電磁波嘅功率唔足以損害人體細胞、傳播病毒。同之前嘅4G或3G網絡類似，5G網絡中使用嘅電磁波係低頻非電離輻射。同X光、伽馬射線、紫外線等等嘅電離輻射唔同。
5G嘅電磁波並唔足以加熱人體細胞，削弱免疫系統。細胞微生物學副教授 Simon Clarke 喺近期接受BBC訪問嘅時候表示：「認為5G網絡會影響免疫系統嘅念法係毫無根據。」
另一方面，疫情亦都襲擊咗伊朗、印度等仲未開始建設5G網絡嘅國家。據報導，伊朗啱啱確定咗大概喺今年下半年先會推出5G技術。伊朗目前有超過6.6萬個確診病例。而印度嘅5G網絡建設可能因為疫情而推遲。另外韓國已經建設5G網絡一年時間，但韓國並唔係最先爆發疫情嘅國家。
監管機構、科學家同獨立團體都已經澄清咗大衆對5G網絡嘅擔憂。英國監管機構記錄嘅5G電磁輻射水平遠低於國際標準。國際非電離輻射防護委員會（ICNIRP）亦都冇發現任何證據表明5G網絡對人體健康構成危險。
大家都知道，從舊年開始，各個國家都已經開始為推出5G服務做準備。當中亦都有好多國家已經開始咗使用5G網絡。到今年年底大部份國家都會正式進入5G年代。
雖然華為5G技術係業界中數一數二，亦擁有最多5G相關專利。但係受到特朗普努力不懈嘅宣傳，導致喺簽訂5G訂單方面受到影響。
舊年上半年，由於受到美國方面遊說，英國、德國、法國等國家選擇將華為拒之門外。
喺呢個情況下，2019年上半年華為並冇喺5G訂單數量上面佔有優勢。相反諾基亞、愛立信兩間公司就同好多國家簽訂咗5G合作協議，領先華為。
不過隨住華為努力爭取，加上佢哋喺5G方面嘅實力。好多之前對佢哋抱懷疑態度嘅國家最終都選擇華為。而英、法、德三國亦先後宣布會繼續容許華為有限制地參與國內嘅5G網絡建設。
最新嘅數據顯示，愛立信方面5G訂單數目已經達到91份，其中包括中國移動嘅龐大訂單。之前華為亦曾經宣佈擁有91份訂單，並透露自己已經成為業界第一。不過呢個第一好可能會被愛立信搶走。
事實上，德國之前已經同華為簽訂咗合作協議，但由於特朗普嘅遊說，筆訂單曾經被作廢。
喺訂單作廢之後，德國營運商近日就表示後悔並宣佈希望同華為再一次達成合作協議。但係呢份價值41億嘅5G大單最終能唔能夠成事仲係一個謎。 愛立信究竟係咪真係可以超越華為，成為5G業務嘅大贏家仍然存在好多變數。
繼英國之後，喺上星期荷蘭亦相繼有幾座5G信號塔被人縱火同蓄意破壞。普遍認為呢幾單破壞嘅「幕後黑手」係反對5G網絡嘅激進抗議者。
過去一星期內，荷蘭已經發生咗4單類似嘅事件，最新一單就發生喺星期五（10號），北部城市格羅寧根嘅5G信號塔遭到縱火。而據荷蘭新聞網站報導，至少有 6座信號塔被縱火破壞。
雖然經過多次情澄清，但係網上仍然有好多針對5G嘅激進言論流傳。有網民認為需要破壞更多信號塔。仲呼籲其他人要對任何5G相關設施加以破壞、燒毀。
同歐洲某啲國家一樣，荷蘭反對5G人士認為5G天線會釋放輻射，從而引發疾病。
荷蘭負責監督安裝信號塔嘅組織「莫奈基金會」（Monet Foundation）主管羅布·邦格拉爾認為，反對推出5G技術嘅激進抗議者係一連串攻擊嘅幕後策劃者。
其實呢幾個星期已經有好多專家/ 組織/ 政府部門多次鄭重否定左網上關於5G同散播病毒有關嘅假消息。希望大家理智啲，唔好再破壞相關嘅5G設施。專注返喺一啲正確嘅抗疫措施上面。
暫時公佈咗嘅5G月費計劃，由8GB到300GB都有。價錢當然係其中一個重要因素，但係選擇幾多GB先會夠用呢？
使用5G服務喺數據用量上係咪一定會多過4G呢？
事實上由於5G網絡速度大幅提升，用戶可以喺電話收睇更多高清內容同音樂，加上打機亦可以用更快更低延時同朋友對戰等等。
用戶使用嘅數據量一定會上升，至於係咪真係需要到100GB，就視乎個人需要。
事實上，上個月有海外研究機構發表咗一份研究報告。研究以全球第一個推出5G商用服務嘅南韓作為研究對象。南韓前年底開始推出5G服務之後，直到舊年年底用戶達到470萬人，佔全國流動電話用戶7%。而呢批5G流動數據先頭部隊嘅使用量，亦都比4G用戶高出約3倍。
南韓嘅5G用戶平均每月使用27GB數據，而4G用戶則為9.8GB。如果只係計算使用無限上網用戶嘅話，5G用戶嘅使用量更高達33GB，高過4G無限上網用戶嘅25GB。
5G嘅推出除咗提供更快速嘅網絡傳輸，仲有負責「分流」呢個關鍵角色。分流啲乜嘢? 因為目前嘅流動通訊網絡，喺各式各樣設備都可以上網嘅情況下，已經差唔多負荷唔到。
5G嘅推出可以分擔咗一部份4G網絡嘅負擔，網絡擠塞嘅情況亦都會大為改善。
而南韓嘅經驗亦都話咗俾大家知，呢批5G先鋒雖然只佔總用戶7%，但係佢哋產生嘅互聯網流量卻佔整體用戶嘅兩成。亦都令4G流量嘅佔比由超過九成，在短短一年內跌到七成七。
根據各個電訊公司公佈，5G推出之後配搭嘅增值服務，都係以超高清影音、VR、AR 等等做賣點，而呢啲服務都需要使用大量數據。
究竟100GB係多定係少？真係要等多幾日5G服務正式推出先會知。
千呼萬喚始出來！香港第一個 5G 月費計劃終於出爐。
今日 3HK 喺網上記者會宣佈佢哋嘅 5G 網絡將會喺 4 月 1 號正式啟用。同時仲準備咗 100GB/ 200GB 用量，24 個月合約嘅標準計劃，定價分別為每月 HK$388/ HK$688。
另外仲會有買機上台月費計劃，價錢會增加到每月 HK$638/ HK$938，但會分別有 HK$6,000 和 HK$7,500 手提電話現金券回贈。
最近有消息指出，富士康計劃喺青島興建最新一間先進芯片封裝同測試嘅工廠已經正式開始動工。 新工廠計劃投資600億，主力生產5G同人工智能相關設備嘅芯片，提供先進封測技術。對於呢個消息，富士康回應投資金額數字唔係事實，正確資料將會以之後發佈嘅官方簽約新聞為準。
另外，富士康其中一個最重要嘅客戶 - Apple. 有零件供應商爆料2020年嘅新款 iPhone 將會去到10月下旬甚至11月先至會正式發佈。
爆料人士聲稱，蘋果嘅 4G 版 iPhone 12 將會喺10月發佈或者上市，而 5G 型號就可能要等到11月。 佢更加透露，蘋果A14處理器係由台積電嘅 5nm 技術製造，將會採用全新inFO天線封裝技術，可以減少芯片同天線之間互相干擾。
根據以往嘅慣例，蘋果咁多年嚟都係喺9月份發佈最新型號 iPhone，通常喺發佈之後一個月內就會正式發售。
隨住支援5G網絡嘅 iPhone 12 系列推出，美國幾個主要網絡營運商都開始好積極去擴展各自嘅5G服務。
啱啱 T-Mobile 就表示，佢哋嘅中頻段5G覆蓋率已經大大增加，達到400多個城市。而 Verizon就將佢哋嘅5G家居寬頻互聯網服務擴展到更多主要城市。
Verizon 喺2018年秋天已經開始測試5G家居寬頻服務。早兩日 Verizon 亦宣佈將會有四個新城市加入可以使用呢個服務嘅名單，分別係：亞特蘭大，達拉斯，丹佛同聖何西。服務會喺11月5號正式開始。
加埋原有嘅城市，可以使用 Verizon 5G家居寬頻嘅城市就有以下呢啲：亞特蘭大，芝加哥，達拉斯，丹佛，底特律，休斯敦，印第安納波利斯，洛杉磯，明尼阿波利斯，薩克拉門托，聖何西同聖保羅。 （Atlanta, Chicago, Dallas, Denver, Detroit, Houston, Indianapolis, Los...
小米旗下品牌 Redmi 尋日舉行咗新機發佈會，發佈咗全新X系列5G智能電話 Redmi 10X 系列。
新系列將5G電話售價拉到去一$1599呢個新低。發佈會上仲宣佈，2020年 Redmi 品牌所有1500元以上嘅新型號都將會支援5G。
今次發佈嘅 Redmi 10X 系列係 Redmi 嘅全新系列。同時品牌亦解釋咗推出全新X系列嘅原因。
之前 Redmi 只有Note系列同數字系列，呢兩個系列嘅價錢基本上都係千元或千元以下。
2019年 Redmi 推出咗旗艦K系列，主打2000至3000元以上嘅市場。而由於5G電話喺旗艦處理器上成本上升，屏幕同相機等零件嘅成本增加，未來K系列嘅價位只會一路向上。
Apple iPhone 12 似乎陸陸續續都遇到一啲唔同嘅軟件問題。
啱啱就有用戶投訴佢哋喺 iPhone 12 Message app 度收唔到群組短信。
呢個相信並唔關網絡營運商嘅事，因為呢個問題喺用唔同電訊公司嘅用戶身上都有發生。
受影響嘅用戶都話佢哋睇唔到群組短信嘅回覆。而好多時群組都係同工作有關，如果睇唔到群組短信或者回覆會對工作有好大影響。
由其依家有好多人都 work from home, 睇唔到工作群組嘅信息會嚴重影響工作效率。
而問題似乎唔止喺iOS同iOS用戶之間發生。iOS同Android用戶之間互傳嘅短信都受影響。
一位...
英國其中一間流動網絡提供商 EE 透露，準備10月份開始喺英國全國性推進新階段嘅5G網絡推出。
EE 表示，今次係佢哋之前承諾會提供高性能 5G 嘅其中一個項目。佢哋今次會針對會 5G 室內嘅表現作出改善，希望擁有最新 5G 手機嘅用戶可以明顯感受到 5G 網絡性能方面嘅進步。
為咗實現呢一點，EE 將會使用喺 3 月份由 Ofcom 拍賣中獲得嘅新...
