星期一, 一月 24, 2022
瑞典郵政及電信管理局 (Swedish Post and Telecom Authority,PTS) 已經暫停5G頻譜拍賣。 上個月以國家安全風險為理由,宣佈禁止使用華為等中國公司參與當地5G頻譜拍賣。而華為因為不滿PTS決定,喺上星期向PTS提出上訴。而瑞典法院喺9號做出咗裁決,要求暫停將華為排除喺瑞典5G頻譜拍賣之外。呢個裁決令到瑞典原定喺10號舉行嘅5G頻譜拍賣被迫取消。 分析人士表示,呢個舉動表明瑞典政府正在評估係咪真係有必要將政治因素納入有關正常商業技術合作嘅決定裏面。對華為嚟講,呢個當然係一個好消息,雖然美國政府仍然好努力去打壓華為。 電訊業人士普遍認為,PTS決定停止5G頻譜拍賣,代表咗決策嘅過程涉及咗好多唔同嘅部門同因素。 瑞典當局應該知道,如果繼續實施禁令,將會增加當地電訊營運商嘅成本,減慢5G網絡嘅發展。亦都會直接損害當地消費者嘅利益。 歐洲問題專家表示,瑞典未必會只係因為法院嘅裁決就修改對華為嘅禁令。但係最新嘅事態發展確實表明,瑞典正在對呢個禁令進行更多方面嘅考量。 喺過去二十年裏面,華為為歐洲嘅通訊信息技術行業發展做出咗巨大嘅貢獻。
瑞典電信監管機構PTS今日正式開始拍賣5G頻譜。之前拍賣因為華為向法庭挑戰瑞典禁止佢哋參與5G網絡而被推遲。 Hi3G Access,Net4Mobility,Telia Sverige 同 Teracom 已經獲准參與 3.5 GHz 同 2.3 GHz 頻譜拍賣。 幾間投標嘅公司都係屬於 Telia,Tele2,Telenor 同 Tre 等等網絡提供商旗下,又或係佢哋嘅合資公司。 拍賣日期一拖再拖,首先係要進行安全審查,然後又因為華為提出起訴訟而被推遲。 瑞典以國家安全風險為理由,跟隨英國禁止各網絡提供商喺5G網絡建設裏面使用華為設備。
商務及經濟發展局局長邱騰華早前出席一個活動嘅時候指出,目前香港5G覆蓋率已經成為全球第一名。 嚟緊政府希望將5G應用推廣到市民嘅日常生活當中。 而中國移動香港不經不覺已經喺香港成立咗24年,客戶人數亦正式突破500萬。 為咗慶祝,中國移動香港公佈咗一系列優惠計劃,鼓勵香港市民盡快轉用5G網絡。 當中包括新嘅5G優惠服務計畫,50GB 5G本地數據,月費248港元起。 另外,攜號轉台客戶選用$248 5G服務計劃並簽約30個月,可以豁免6個月月費、免費任用本地數據 (最高達 50Mbps) 等優惠。 而為咗可以俾更多市民試用到佢哋嘅5G流動網絡服務。 中國移動香港將會免費送出10萬張5G體驗卡。 10萬張5G體驗卡數據上限為30GB,之後會安排喺各區派發,詳情稍後會再作公佈。
諾基亞表示,5G導致疫情大爆發嘅陰謀論並冇影響到大衆對5G技術嘅需求。 疫情爆發更加促使公司加快推出網絡基礎設施嘅計劃。 雖然社交媒體上有流傳疫情大流行係由5G技術引起,但係5G電話供應商同消費者對5G需求並冇因為呢啲謠言而減弱。 謠言一開始係3月份由美國醫生 Thomas Cowan 喺 YouTube 影片度開始散佈。 個謠言係話5G會影響人類免疫系統或者令人更容易受到感染。 自從謠言流出之後,各大電信供應商同政府已經努力澄清,不過都阻止唔到激進嘅人去破壞一啲5G設施。 諾基亞舊年年底同澳洲 Vodafone 簽署咗一項為期五年嘅協議。公司會為 Vodafone 提供高速5G設施,佢哋仲同包括澳洲國家寬頻網絡在內嘅其他澳洲公司簽訂咗合約。 由於受華為被美國全力打壓嘅影響。華為喺澳洲亦被禁止參與任何5G相關工程。 某程度上諾基亞亦都得益於澳洲政府呢個決定,令到佢哋可以成功獲得更多嘅5G合約。
愛立信宣佈佢哋已經達到公司一個新嘅里程碑,啱啱成功簽訂咗第100份商業5G合約。 呢100份合約包括橫跨五大洲嘅58個公開合約同56個推出咗服務嘅5G網絡。 呢個咁重要嘅里程碑就喺8月12號宣佈同 Telekom Slovenije 達成5G合作協議之後達成。其實愛立信喺2014年已經公佈同第一個5G合作夥伴達成協議。 愛立信喺唔同國家嘅城市、郊區同鄉村部署咗唔同數量嘅高、中、低頻5G基站去支援高速流動網絡。 喺一啲先進嘅5G市場,流動網絡供應商透過佢哋提供嘅技術同設備,提供咗唔同嘅5G應用,例如視像教學、娛樂同遊戲等等。 愛立信更加同唔同嘅服務供應商、大學、科技學院、工業夥伴合作,開發針對特定用戶群嘅5G業務同消費者應用程式:包括自動化工廠、智能辦公室同遙距手術等等。 愛立信喺5G業務上面越做越好,諾基亞係時候要加把勁啦。
韓國係全世界第一個推出5G商用網絡服務嘅國家。佢哋喺舊年4月份就正式推出咗5G流動網絡。 但係最近一項相關研究發現,推出5G流動網絡已經超過一年嘅韓國,目前5G網絡覆蓋範圍同可以使用5G網絡嘅設備數量仍然係唔太樂觀。 韓國5G用戶只係有15%嘅時間可以成功連接到5G網絡,其他大部分時間都要用番4G網絡。呢個結果係嚟自由5G網絡相關研究機構發表嘅一份報告。呢一個研究機構持續3個月紀錄咗218095部韓國5G設備。由2月1號一路到4月30號。 研究機構報告顯示,韓國三大電訊營運商嘅5G用戶,第一大營運商SK電信嘅5G用戶15.4%時間可接收到5G網絡;第二大營運商KT嘅用戶可以成功接收5G網絡嘅時間比例最低,只得12.5%;第三大營運商LG U+嘅5G用戶,15.1%時間可以接收5G網絡。 研究機構報告仲顯示,喺收唔到5G網絡嘅時候,韓國三大營運商嘅5G用戶都需要跌番落4G網絡去保持連線。
中國其一間流動網絡提供商中國移動預計,2021年中國市場手機銷量將會超過3.5億部,其中5G手機超過2.8億部。中國移動2021年網內5G手機銷量超將會超過2億部。 而另一間網絡提供商中國電信亦公佈咗舊年2020嘅全年業績報告。2020年中國電信全年營運收入3935.6億,比2019年增增加咗4.5%。 2020年中國電信5G用戶人數達到8650萬,佔用戶總人數24.6%。而用戶總人數更加達到3.51億,增加咗1545萬,市場佔有率提升去到22.0%。 中國流動網絡用戶不斷增加,2月國內手機市場總體出貨量亦按年飆升2.41倍,達到2175.9萬部。 當中5G手機出貨量1507.1萬部,佔同期手機出貨量嘅69.3%。 今年頭兩個月,中國手機市場出貨總數量累計6187.9萬部,按年飆升1.28倍。5G手機出貨量4234.9萬部,佔咗總數嘅68.4%。 依照以上數據,5G手機已經超越咗4G成為手機嘅主流制式。
由於受到美國努力遊說,某啲歐洲國家都拒絕華為參與5G網絡建設。 不過中東國家就冇受到美國影響,同華為保持住緊密合作關係。 中東國家對科技項目越來越重視,目前正大力投資電訊產業。 英國同瑞典已經禁止國內5G網路採用華為設備,法國亦對華為設備加設限制。 但係包括沙地阿拉伯同阿拉伯聯合酋長國等波斯灣國家唔單止選擇華為合作建設5G網路,喺發展智慧城市方面,亦都同華為合作無間。 國際戰略研究所(International Institute for Strategic Studies)中東事務研究專員表示,波斯灣國家對於利用科技監察人民嘅理念同中國比較接近,同西方國家唔一樣。 所以歐美發出關於華為嘅安全疑慮,說服力對於中東地區嚟講唔算大。 除咗中東國家,巴西國家電信局亦都批准咗今年5G網絡頻譜拍賣嘅規則,當中冇對作為設備供應商嘅華為作出任何限制。
德國 Vodafone 宣佈推出獨立 5G 網絡(5G standalone network)。 獨立 5G 網絡令到德國 Vodafone 成為全球最先進嘅 5G 流動網絡提供商之一。亦幫佢哋嘅網絡設備供應商愛立信作出咗一個非常出色嘅示範。 今次推出嘅獨立 5G 網絡,高通以及智能手機製造商Oppo都係愛立信嘅合作夥伴,一齊為發布做準備。 另外德國 Vodafone 亦指出,公司另一間網絡合作夥伴諾基亞喺最近幾星期都有參與獨立 5G 網絡嘅測試同準備工作。 今次獨立 5G...
為咗推廣 5G 流動網絡,csl 同 1010 推出咗一個免費 5G 體驗服務。 喺 5 月 31 日前,現有 csl 及 1010 客戶只要透過電話 app 登記,就可以登記免費 30 日使用 5G 網絡服務。 試用期完咗之後,會自動用番原有服務計劃,唔會有任何附加費用。如果你已經有 5G 電話,但又擔心 5G...