星期二, 八月 16, 2022
繼 3HK 之後,中國移動香港同香港電訊 HKT 就喺同一日發表咗旗下 5G 月費計畫詳情。 三間電訊商都會由4月1號開始提供5G服務。 csl 月費由$198/ 8GB 起,$298/ 12GB, $398/ 80GB, $498/ 150GB 到 $698/ 300GB。
以 O2 品牌營運嘅 Telefonica Germany 將會喺10月3喺德國五個城市推出5G網絡。 呢一間由西班牙電訊集團 Telefonica 擁有嘅電訊公司首先會喺柏林、漢堡、慕尼黑、法蘭克福同科隆推出5G流動網絡服務。 TelefónicaGermany 旗下嘅 O2 流動網絡擁有德國最多用戶,超過4,300萬人。5G對於公司嚟講係非常重要嘅一個項目,所以喺2022年之前佢哋會投資40億歐元去擴展網絡。 O2 嘅5G網絡首先會喺德國五個最大城市大約150個基站開始。呢啲城市嘅900萬人將會可以體驗到5G技術。 O2 嘅用戶由10月6號開始可以免費體驗5G技術。公司表示,5G已經包含喺所有月費計劃當中,用戶唔需要俾額外嘅費用。 5G網絡將會提供300...
德國 Vodafone 宣佈推出獨立 5G 網絡(5G standalone network)。 獨立 5G 網絡令到德國 Vodafone 成為全球最先進嘅 5G 流動網絡提供商之一。亦幫佢哋嘅網絡設備供應商愛立信作出咗一個非常出色嘅示範。 今次推出嘅獨立 5G 網絡,高通以及智能手機製造商Oppo都係愛立信嘅合作夥伴,一齊為發布做準備。 另外德國 Vodafone 亦指出,公司另一間網絡合作夥伴諾基亞喺最近幾星期都有參與獨立 5G 網絡嘅測試同準備工作。 今次獨立 5G...
韓國作為全世界第一個推出5G流動網絡服務嘅國家,5G用戶人數同其他國家一樣,雖然持續增加,但係同4G用戶人數相比仍然有一大段距離。 按照韓國科技信息通信部公佈嘅資料顯示,截至1月底,韓國5G用戶人數達到1287萬,比起舊年年底嘅1185萬增加咗102萬,單月新增用戶人數第一次超過100萬。 單月增加超過100萬,亦即係代表5G用戶喺韓國流動通信用戶中嘅比例,獲得進一步提升。 韓國流動通信用戶目前一共大概有7069萬,5G用戶所佔比例係18.2%,對比舊年年底嘅16.8%上升咗1.4%。 不過由於5G喺韓國只係推出咗唔夠兩年,喺用戶人數方面同仍然佔有主導地位嘅4G相比,依然相差好遠。 韓國4G用戶人數喺1月份雖然減少咗66萬,但係目前仍然有5190萬之多,係5G嘅4倍幾。 隨住5G網絡覆蓋範圍擴大,更多5G智能手機推出,相信會有更多消費者陸續轉用5G網絡。 5G用戶數量嚟緊會不斷增加,喺不久嘅將來肯定會超過4G,成為主流。
美國同中國鬥到火紅火綠,而喺5G呢個領域上面更加係愈演愈烈。 美國已經宣佈咗禁用華為、中興等中國電訊設備,不過呢個禁制令亦都令到好多美國公司身受其害。 例如美國一啲鄉郊地區嘅電訊商好多都係使用價錢相對便宜嘅華為同中興設備。如果要移除呢啲設備,成本將會高達18億美金,而美國國會亦都未正式批出呢筆款項。 美國聯邦電訊委員會(FCC)日前表示,美國鄉郊地區電訊商報銷,替換中國電訊設備嘅費用需要18.37億美金。 美國國會到目前為止只係批准咗為電訊商報銷替換設備嘅成本,但係仲未正式批出呢一筆款項。FCC 估計,成本當中有16.2億美金符合報銷條件。 FCC 6月正式將華為同中興定為「美國國安威脅」,禁止美國公司使用聯邦政府資助,購買華為同中興嘅設備。FCC舊年亦已經通過法案,要求鄉郊地區電訊商移除華為同中興嘅設備。 據 FCC 嘅資料顯示,目前使用華為同中興設備嘅美國電訊商,數量超過50間,主要係一啲比較小型嘅電訊商。不過某啲較大型嘅公司好似 CenturyLink 同 Verizon 都有用華為同中興嘅設備。 Verizon 表示,旗下網絡依家已經冇用華為或中興設備,但係部分客戶用緊嘅 VoiceLink 裝置係由華為製造。不過呢批裝置預計今年之內都會停用。
通用汽車聯同AT&T宣佈,由2024年開始會喺特定型號嘅 Chevrolet、Cadillac同 GMC 車款上面加入 5G 連網功能。 兩間公司聲稱呢個做法將會帶嚟更可靠嘅軟件更新、更快嘅導航同下載,以及更好嘅公路覆蓋。 雙方高層喺一個媒體發佈會上面表示,5G 連網嘅推出亦都會為通用汽車配備 4G LTE 車款帶嚟好處。 比如2019年以及之後嘅車款,當新嘅 5G 車款推出之後,以上車款嘅車主都會得益於新嘅 5G 網絡。 通用汽車表示,隨著AT&T 改善基礎設施,網絡性能將會得到提升。所以現有 4G 連網嘅車輛,19年以及之後嘅車款,車主們都可以感受到網絡性能上有所改善。
中國移動已經全面完成5G第一期工程建設,喺內地50個城市推出咗5G服務。 目前更加已經全面啟動咗5G二期工程設備測試同採購等工作。希望去到2020年底5G基站數目可以達到30萬個,確保2020年可以成功為全國所有地級以上城市提供5G網絡服務。 即係話中國移動2020年內仲需要建成25萬座5G基站。為咗達到呢個目標,中國移動2020年嘅開支預算係1798億人民幣,其中5G相關投資計劃約1000億。 中國移動近日亦公佈咗2020年5G二期無線網絡主要設備嘅採購結果,總共需要 232143 座5G基站,採購總額係 370.88億。根據呢個數字計算,單單一座5G基站價格就要16萬。 今次嘅採購名單包括華為、中興、愛立信同中國信科(大唐),採購價格大概係13.5萬至16.12萬之間。 其中,華為中標 133040 座5G基站,中標比例係57.25%,佔半數有多。佢哋嘅5G基站單價亦係四間供應商裏面最高嘅,達到16.12萬一座。 另外要留意嘅係,5G係一個龐大而復雜嘅系統,除了基站本身之外,仲需要有其他設施配合,例如:核心網絡傳輸設備、電力配套設備等等。如果計算哂所有設施嘅價錢,平均一個5G基站嘅成本其實會更加貴。 所以中國移動投資5G相關嗰1000億,可能實際上並唔算天文數字,或者只係啱啱夠用。
印度流動網絡提供商 Bharti Airtel 尋日首次試用咗自家嘅5G網絡。測試係喺海得拉巴地區使用1.8 GHz頻段進行。 舊年 Bharti Airtel 使用印度製造嘅愛立信硬件升級咗現有網絡,令到公司可以隨時提供到5G網絡服務。 不過 Bharti Airtel 嘅 CEO 認為使用 1.8 GHz 去開通 5G 服務呢個做法並唔理想。他相信要等到政府為 5G 網絡分配中頻帶頻譜(2.5-3.7 GHz)之後,先至可以真正體現到 5G 網絡嘅好處。 由於目前中頻段頻譜仲未進行拍賣,暫時唯一嘅選擇就係...
一路以來5G其中一個對手遊迷嚟講好重要嘅好處,就係延遲低,玩線上遊戲或者雲端遊戲會比4G更順暢。 究竟5G推出之後係咪可以完全解決雲端遊戲延遲嘅問題仲係衆說紛紜。某大跨國手遊公司負責人就認為未必有想像中噤理想。 可以解決延遲問題嘅原理其實好簡單,5G發射站同手提電話互相交換數據嘅速度快咗。數據傳輸量亦增大咗好多,所以就算同一時間有好多人連線都唔會拖慢速度。 但係有一點唔可以忽略,就係光纖速度。5G暫時未有解決海底光纜嘅問題,跨境嘅流量仍然要經海底光纜,而海底光纜仲存在延遲嘅問題。 所有光纜每走一段就需要用到一個放大器,每經過一個放大器就有幾毫秒嘅延遲,如果光纜路徑比較長,就冇辦法控制延遲。譬如跨越中美就必定有超過10毫秒甚至30毫秒以上嘅延遲。再加上各種設備、環境影響,例如屋企裏面隔咗兩間房,信號唔夠強嘅話,都係會影響到接收。 就現有嘅頻寬同穩定程度嚟講,至少需要5 -10年時間解決問題,先可以真正做到「零延遲」。
冰島流動網絡提供商 Síminn 已經同愛立信簽訂咗 5G 設備合約。冰島希望專注喺影音同AR技術,並利用 5G 促進旅遊業發展。 愛立信同 Síminn 一直合作無間,依家亦為 Síminn 提供建立 5G 網絡嘅器材同設備。提供無線電系統產品組合包括 5G RAN 產品同解決方案,以及頻譜共享技術。 Síminn 5G 將會使用 3.5-3.6GHz 中頻帶頻譜。中頻帶 5G 有效提高上下載量,可以將 5G 潛力盡情發揮。5G 流動網絡亦有望可以喺遊戲、運輸同製造業各個領域帶出大量新發展機會。