星期三, 五月 12, 2021
最近有消息指出,富士康計劃喺青島興建最新一間先進芯片封裝同測試嘅工廠已經正式開始動工。 新工廠計劃投資600億,主力生產5G同人工智能相關設備嘅芯片,提供先進封測技術。對於呢個消息,富士康回應投資金額數字唔係事實,正確資料將會以之後發佈嘅官方簽約新聞為準。 另外,富士康其中一個最重要嘅客戶 - Apple. 有零件供應商爆料2020年嘅新款 iPhone 將會去到10月下旬甚至11月先至會正式發佈。 爆料人士聲稱,蘋果嘅 4G 版 ‌iPhone 12‌ 將會喺10月發佈或者上市,而 5G 型號就可能要等到11月。 佢更加透露,蘋果A14處理器係由台積電嘅 5nm 技術製造,將會採用全新inFO天線封裝技術,可以減少芯片同天線之間互相干擾。 根據以往嘅慣例,蘋果咁多年嚟都係喺9月份發佈最新型號 iPhone,通常喺發佈之後一個月內就會正式發售。
香港 5G 服務將會喺 4 月 1 號起正式推出。 四間擁有 5G 網絡牌照嘅電訊公司裏面,有三間已經發表咗佢哋嘅 5G 月費計劃詳情。 而 SmarTone 今日就宣佈推出三星 Galaxy S20 系列上台計劃,當中就包含咗 5G 升級優惠。當 SmarTone 5G 服務計劃正式落實之後就可以享有升級保證。
根據最新嘅研究報告,全球5G智能電話嘅需求喺疫情影響下不跌反升。今年首季出貨量,超過去年嘅1870萬部,達到2410萬部。 其中三星嘅市場佔有率達到34.4%排名第1,排名第2嘅係市場佔有率大約33.2%嘅華為。 報告更指出,全球5G電話出貨量喺今年第1季達到2410萬部。 三星出貨量達830萬部成為冠軍,華為包括子品牌榮耀在內,出貨量達800萬部屈居亞軍。第三名嘅Vivo出貨量達290萬部,市場佔有率12%;小米出貨量為250萬部,市場佔有率10.4%,排第四。 分析認為,三星5G智能電話市佔率領先嘅原因,在於三星喺全球嘅分銷網絡廣闊、同各地電訊營運商合作關係緊密,再加上有豐富嘅5G電話產品線。 而華為嘅5G智能電話,目前主要嘅市場集中喺中國。 雖然疫情對中國嘅經濟有一定影響,但係第1季前5大5G電話廠,中國廠商嘅出貨量就高達61%,其中大部分係喺中國市場銷售,顯示中國電訊商對5G網路嘅發展,同5G電話嘅需求都有非常理想嘅增長。
中國移動香港早前公布咗 5G 服務計劃月費,並宣佈會喺4月1號正式推出 5G 流動網絡服務。 嚟緊由3月25號開始到3月28號期間,透過中移動 MyLink 流動電話應用程式登記參與「全城移動 邁向5G」活動,並以創意回答簡單問題就有機會被選中為得獎者。 獎品由中移動香港送出指定 5G 服務計劃6個月月費及最新推出嘅 Samsung Galaxy S20+ 5G 手機一部。 得獎者將會成為 5G 服務首批用家, 率先體驗中移動香港嘅優質 5G 網絡,享受嶄新娛樂生活體驗。
尋日終於有第一間電訊供應商推出咗香港首個 5G 月費計劃詳情。 有 5G 網絡都需要 5G 電話配合,暫時香港已經上市嘅 5G 電話唔多。今日就同大家睇吓近期發表嘅新智能電話。相信有好多部遲啲都會喺香港有得賣。 知名跑分評測軟件魯大師啱啱發表咗 2 月發佈嘅智能電話排行榜。 我哋一齊睇吓呢個「2 月新機流暢度」排行榜。頭三位分別係華為 Mate Xs, 三星 Galaxy S20+ Ultra 同 Galaxy S20+....
華為中國運營商業務部副總裁楊濤喺5G網上發佈會上面表示,截至目前,全球已經發佈咗40部5G智能電話,當中中國品牌佔超過30部。 目前全球已經有超過34個國家同地區推出咗5G網絡服務,率先喺醫療、製造、媒體資訊等各個行業發揮咗實際嘅效用。 今次對抗肺炎疫情過程中,5G遙距會診、5G遙距直播、協助辦公等應用喺防控救治、資源調配等方面發揮出重要作用。 講開華為,上年其中一部引人注目嘅摺機就係華為 Mate X。Mate X 一路冇喺香港正式推出,事隔一年改良版 Mate Xs 終於都會喺香港正式上市。 今次呢部升級版,係屏幕材料、摺疊位置結構、5G 連接以及相機技術方面,都進行咗改良。 摺疊屏幕面板採用雙層柔性光學物料製作而成,比單層物料嘅韌較高之外,亦可以減輕出現屏幕摺痕嘅情況。 而摺叠位置部份結構採用含鋯金屬嘅物料打造,比鈦金屬硬 30%,令結構更堅固、耐用。
本港三間電訊商包括香港電訊、3香港同中國移動香港都喺今個月頭正式推出咗5G服務。 除咗唔同嘅增值服務之外,當然唔少得5G電話上台plan。csl 今日就公佈咗5G服務連小米10或小米10 Pro 5G電話月費計劃。 csl 5G+小米10或小米10 Pro 5G 電話月費由$318起。並設有Trade-in月費回贈、附送每個月30GB額外本地流動數據,以及Club積分等優惠。 csl 5G+小米10/小米10 Pro 5G電話月費方案中分別有24 個月、36個月合約期,唔同月費計劃收費如下:
5G智能電話上市已經一年有多,但係暫時仲未見到有好多中階嘅5G機上市。 根據中國智能電話製造商 Vivo 嘅發言人表示,希望可以將5G機推廣到中底階嘅機種,大衆想體驗5G唔一定需要購買昂貴嘅旗艦機。 到今年第四季,5G電話價格可能可以降低到大概200美金嘅水平。 200美金呢個價位同其他分析師對2020年5G電話價格嘅預測相符。頭批5G電話,例如三星Galaxy S10 5G同華為Mate 30 5G,都係貴價旗艦機。 但係隨住小米喺舊年12月發佈嘅Redmi K30之後,5G 機嘅價錢已經開始下降。Redmi K30 價值285美金,如無意外係市面上暫時最平嘅5G電話。 作為其中一間最早推出5G電話嘅廠商,雖然受疫情影響,Vivo 對2020年業績表示樂觀。公司3月份智能電話銷量比舊年同期增長咗10%。 自2月以來,Vivo 已經發佈咗三款新嘅5G電話:Z6,iQOO 3 同 Nex 3S。...
見到香港有電訊商提供嘅5G服務其中一個賣點係24bit高清音樂串流。 近年好多新出嘅智能電話都已經將3.5mm耳筒插口取消咗。取消3.5mm插口嘅同時,各大廠商都相繼推出TWS真無線藍牙耳筒或者USB-C插口嘅耳筒。某啲品牌更會隨機附送一條USB-C轉3.5mm轉接線。 不過對音質有要求嘅用家普遍都認為藍牙同有線耳筒喺音質上係冇得比較。藍牙嘅好處只係方便,要求「靚聲」就一定會揀有線耳筒。 要享受5G為大家帶嚟高清音樂串流呢個好處,首要條件就係部5G電話要有3.5mm插口。咁樣先可以用到大家手上各款高性能有線耳筒。 不過隨住5G來臨,5G電話由於要放更多嘅電子零件、增大電量,好多電話嘅體積都增大咗。之前減去3.5mm插口係為咗騰出更多空間,依家空間變大咗,3.5mm插口亦都可以回歸。 某啲新機甚至將3.5mm耳筒插口當成一個賣點。 今日就幫大家整理一吓截至2020年3月為止,有3.5mm插口位嘅新上市5G電話。 黑鲨3/3 Pro 华为Mate 30 5G iQOO Pro 5G iQOO...
隨住電話製造商陸續發佈支持5G但係價格較低嘅中階機款,預計今年韓國5G智能電話銷量將會達到840萬部。 根據市場分析公司數據顯示,估計5G智能電話將佔今年韓國智能電話總銷量48%。舊年,5G智能電話只係佔韓國智能電話總銷量28%。 韓國科學部表示,韓國喺舊年4月正式推出5G流動網絡服務。而截至上星期,5G流動網絡用戶數量達到577萬。 資料顯示,今年將會有13款新嘅5G智能電話喺韓國國內上市,反觀舊年就只係得七款5G電話推出咗。 全球最大智能電話供應商三星今個星期就發表咗5G版本嘅Galaxy A71同A51兩款中階智能電話。估計三星喺今年下半年亦會發佈Galaxy A91嘅5G版。 而韓國另一個大品牌LG,都會喺上半年推出一款新嘅5G電話,並計劃喺下半年推出一至兩款支持5G嘅Q系列5G新機。 當然,疫情喺世界各地嘅情況對5G發展會有好大影響。希望下半年疫情可以受控,流動通訊市場亦有望可以快速復甦。用戶對5G產品嘅需求亦可以回覆正面增長。