中國移動香港早前公布咗 5G 服務計劃月費，並宣佈會喺4月1號正式推出 5G 流動網絡服務。
嚟緊由3月25號開始到3月28號期間，透過中移動 MyLink 流動電話應用程式登記參與「全城移動 邁向5G」活動，並以創意回答簡單問題就有機會被選中為得獎者。
獎品由中移動香港送出指定 5G 服務計劃6個月月費及最新推出嘅 Samsung Galaxy S20+ 5G 手機一部。
得獎者將會成為 5G 服務首批用家， 率先體驗中移動香港嘅優質 5G 網絡，享受嶄新娛樂生活體驗。
小米舊年9月發佈咗外形極度創新嘅小米Mi Mix Alpha智能電話。
Mi Mix Alpha 以一片柔性屏幕環繞式包圍機身，雙曲面兩邊接近 90 度延伸至機側，屏佔比超過180％，正面、側面、背面幾乎全部都係屏幕。小米將Mi Mix Alpha 上下邊框減少到2毫米左右。
原定計劃會喺舊年12月底限量試產，但由於製作難度比預期高，小米較早前宣佈會無限期延遲推出。
正當大家以為部機會胎死腹中嘅時候，小米尋日突然喺小米印度官方Twitter上面宣佈 Mi Mix Alpha 會以印度第一款5G智能電話登場。
Twitter 內容係話「聽日開始，小米Mi Mix...
香港 5G 服務將會喺 4 月 1 號起正式推出。
四間擁有 5G 網絡牌照嘅電訊公司裏面，有三間已經發表咗佢哋嘅 5G 月費計劃詳情。
而 SmarTone 今日就宣佈推出三星 Galaxy S20 系列上台計劃，當中就包含咗 5G 升級優惠。當 SmarTone 5G 服務計劃正式落實之後就可以享有升級保證。
將2020年稱為5G手機爆發年絕對唔過份。
雖然年頭受到疫情影響，智能電話市場形勢並唔算太樂觀，但係各大電話品牌仍然非常積極去部署5G電話嘅策略。競爭越來越白熱化。
粗略統計，上星期就有接近10款5G電話公佈。而蘋果下半年亦會發佈第一款5G iPhone。
2月24號下午3點，Sony 正式發佈第一部5G新機Xperia 1 MK II；同日下午5點，Realme 將原本計劃喺 MWC 2020 舉行嘅 X50 Pro 發佈會改為網上全球發佈；當晚9點，華為發布新一代5G摺機Mate Xs。
跟住幾日內，榮耀發布5G新機榮耀V30 PRO，Vivo旗下子品牌iQOO新一代5G旗艦機iQOO 3亦正式登場。
尋日終於有第一間電訊供應商推出咗香港首個 5G 月費計劃詳情。
有 5G 網絡都需要 5G 電話配合，暫時香港已經上市嘅 5G 電話唔多。今日就同大家睇吓近期發表嘅新智能電話。相信有好多部遲啲都會喺香港有得賣。
知名跑分評測軟件魯大師啱啱發表咗 2 月發佈嘅智能電話排行榜。
我哋一齊睇吓呢個「2 月新機流暢度」排行榜。頭三位分別係華為 Mate Xs, 三星 Galaxy S20+ Ultra 同 Galaxy S20+....
OnePlus承諾將投入3000萬美金擴大同升級5G研發工作。呢個消息係繼早幾日OnePlus宣佈公司下一個旗艦智能電話系列將會全部支援5G之後，OnePlus 再一次肯定佢哋對5G硬件嘅重視。
過去六年裏面，OnePlus憑住價格實惠嘅旗艦Android手機贏得唔少口碑。而佢哋亦同好多其他智能電話製造商一樣，正在逐步增加旗下嘅5G產品。
公司喺2019年MWC預告咗第一部5G原型機。到咗舊年夏天終於推出兩款支援5G嘅高階電話 - OnePlus 7T Pro 同埋更高檔同麥拿倫跑車 crossover 嘅 McLaren 版本。不過預計將會喺4月推出嘅下一代OnePlus 唔會再特別推出5G版本。因為所有版本都會全面支援5G。
OnePlus 宣稱佢哋會成為第一批全線產品都支援5G嘅智能電話製造商之一。 而公司亦計劃根據用戶日常使用習慣開發5G專屬應用程式，例如雲端遊戲，雲端視頻同雲端存儲服務。
OnePlus 最新嘅財務承諾反映咗5G設備市場嘅現況。隨住5G被更廣泛利用，各個電話製造商將會投入更大量資金去研發更多功能同價錢更大衆化嘅5G設備，務求快人一步搶佔5G市場。
一份研究報告顯示，澳洲5G智能電話出貨量市場佔有率已經由2020年第一季嘅14%增加到2021年第一季嘅55%以上。
2020年第四季蘋果 iPhone 12 系列同 2021年第一季三星 Galaxy S21 系列嘅推出推動咗5G智能電話嘅銷量。
隨住呢兩年5G智能電話嘅選擇越來越多，包括各種Android品牌一啲平價機款，願意購買5G電話嘅用家亦越來越多。澳洲發售嘅5G設備數量己經由2020年第一季嘅9款增加到2021年第一季嘅36款。
不過暫時澳洲5G流動網絡覆蓋範圍仍然慢慢擴充當中，即係代表就算擁有5G設備亦未必可以接收到5G網絡。
Optus、Telstra 同 Vodafone係澳洲三大5G流動網絡代理商。
澳洲喺4月完成咗26 GHz頻段頻譜拍賣，總共賣出數量358。 Telstra 購買數量最多（150），第二係 Optus（116）以及第三嘅 TPG Telecom...
由於 MWC 取消咗嘅關係，好多原本預計喺嗰3日公佈嘅新產品都改為網上發佈。
繼之前 Oppo 子品牌 Realme 嘅 X50 Pro, 尋日 Sony 又發佈咗首部 5G 電話。今日就輪到 Vivo 子品牌 iQoo.
iQoo 係主打遊戲手機嘅品牌。同 Realme X50 Pro 一樣都係採用高通 Snapdragon 865 處理器。Ram...
今年智能電話正式全面進入 5G 時代，不過隨住高通 S865 晶片售價飆升，令到旗艦 5G 機普遍比起 4G 時代再貴上一截。唔少品牌似乎開始將重點移向中階市場。
本月中有人透過檢測 Android 11 程式碼發現，Google 下一部 Pixel 智能電話可能唔再係旗艦定位。有機會改用同樣支援 5G ，但係效能低啲嘅高通 S765G 晶片。新機推出嘅時候可能會壓低價錢去吸引消費者購買。
至於韓國品牌 LG 亦傳出將會採用相同策略。雖然已經發表咗旗艦機 V60 ThinQ，部機更加獲得一衆科技網站高度評價。
但係品牌另一大旗艦 G 系列今年傳出會改變以往嘅定位。據韓國消息指出，下一代...
韓國科學及信息通信部一份報告顯示，截至2020年尾，韓國擁有1185萬名5G流動網絡用戶。
喺2020年12月，韓國幾間網絡提供商總共增加咗大概90萬名5G用戶。
截至12月底，目前韓國5G用戶佔咗全國7050萬流動網絡訂閱總數嘅16.8％。
報告裏面亦都預測隨住三星新旗艦 Galaxy S21系列上市，以及網絡提供商推出通過網上辦理嘅平價5G數據計劃，5G流動網絡用戶人數將會進一步加快增長。
不過一路都有報導，韓國好多由4G轉用5G嘅用戶對現有嘅5G網絡質素都唔滿意。
普遍對三大網絡提供商旗下5G服務嘅投訴都係話速度慢，兼且冇一啲可以充分利用到5G優勢嘅應用程式可以使用。
韓國工信部最近嘅一份報告發現現有5G網絡平均下載速度達到 690.47 Mbps，係4G LTE速度嘅四倍多啲。 目前韓國嘅5G網絡係使用現有4G LTE網絡設備提供，並唔係獨立嘅5G網絡。
網絡提供商 SK Telecom，KT 同 LG Uplus...
