星期五, 三月 5, 2021
根據一份最新調查數據顯示,iPhone 12 成為咗今年10月份全球銷量最高嘅5G手機。而且值得注意嘅係,10月份 iPhone 12 只係賣咗兩星期就得到呢個成績。 Apple 喺10月第二個星期公佈咗 iPhone 12 同 iPhone 12 Pro。之後喺10月23號,新機正式公開發售。 所以其實10月大概只係賣得一個星期左右。不過根據數據顯示,只係短短嗰一個星期嘅時間,iPhone 12 系列就迅速成為當月最好賣嘅5G手機。 喺市場佔有率方面,今年10月份,iPhone 12 以16%成為咗5G設備銷量榜嘅冠軍,排第二嘅係 iPhone 12 Pro,佔8%。排第三嘅5G手機就係競爭對手三星嘅 Galaxy Note 20 Ultra,10月份呢部三星嘅旗艦機市場佔有率只有4%。
Apple iPhone 12 似乎陸陸續續都遇到一啲唔同嘅軟件問題。 啱啱就有用戶投訴佢哋喺 iPhone 12 Message app 度收唔到群組短信。 呢個相信並唔關網絡營運商嘅事,因為呢個問題喺用唔同電訊公司嘅用戶身上都有發生。 受影響嘅用戶都話佢哋睇唔到群組短信嘅回覆。而好多時群組都係同工作有關,如果睇唔到群組短信或者回覆會對工作有好大影響。 由其依家有好多人都 work from home, 睇唔到工作群組嘅信息會嚴重影響工作效率。 而問題似乎唔止喺iOS同iOS用戶之間發生。iOS同Android用戶之間互傳嘅短信都受影響。 一位...
針對有媒體測試出 Apple iPhone12 喺使用5G網絡情況之下,電量消耗非常快呢個問題。 Apple 回應話 iPhone12 增加咗智能數據模式可以平衡數據同電量。 不過 Apple 話佢哋嚟緊都會通過軟件升級,加上同營運商合作去優化使用5G時候嘅耗電量問題。 經測試後,多款支持5G網絡嘅手提電話喺屏幕調到最光嘅狀態之下,iPhone 12 同 iPhone12 Pro 續航分別係8小時25分鐘同9小時6分鐘; 而三星S20 + 5G 同 Oneplus 8T 5G,續航時間分別係10小時31分鐘同10小時49分鐘。 而 Google Pixel 5 嘅續航時間就有9小時56分。 即係話,喺大家都係使用5G嘅情況之下,iPhone 嘅續航時間係短過哂以上幾款 Android 5G 機。
有蘋果分析師表示,由於今年 iPhone 12 系列當中包含5G硬件,令到生產成本增加。蘋果正在嘗試喺其他地方使用更平嘅零件去降低成本。 當中可以令到成本降低嘅一大地方就係電池技術。蘋果可能會減少電池板上嘅層數,並將電池組件放喺更細嘅區域。 呢個改變將會令到電池板比 iPhone 11 嘅平咗40%到50%,而由於其他設計嘅改變,下年嘅 iPhone 電池價格將會再進一步降低30%到40%。 不過電池上嘅改變都唔可以完全抵消5G硬件價錢上嘅增加。因為 iPhone 相信會採用 mmWave 技術,而每部 mmWave 嘅成本大約喺125到135美金之間,而6GHz以下頻段嘅成本就係75至85美金。
市場研究機構Counterpoint最近發表咗2020年第二季中國智能電話市場報告。 根據報告顯示:第二季智能電話銷量增長9%,5G電話銷量佔咗當中嘅33%。在銷量榜上面,華為以46%市場佔有率穩居第一,iPhone銷量亦都非常搶眼。 報告顯示華為以46%市場佔有率排第一名,同第一季相比上升咗14%。華為智能電話2020年第一季同2019年第二季嘅市佔率分別係39%同33%,大概一年就增加咗差唔多6%。按照呢個增長趨勢,相信要突破50%市場佔有率都唔係冇可能。 排喺第2到5名嘅智能電話品牌同佢哋嘅市場佔有率分別係:vivo(16%),OPPO(15%),Apple(9%)同小米(9%)。 喺名單裏面,只有華為同Apple嘅數字有上升,其他品牌都下降。 其中小米以35%下跌幅度排名第一,OPPO同vivo下跌幅度分別為31%同29%。 由於iPhone11系列同iPhone SE都有唔錯嘅銷量,Apple成功以32%喺第二季增長率方面排名第一。 隨著5G越嚟越普及,5G機種已經成為智能電話嘅主流。喺2020年第一季電話銷量當中,5G電話只係佔咗16%。但係去到第二季,5G電話嘅市場佔有率已經大幅增加到33%。當中華為5G電話嘅市佔率更加達到60%。 Apple仲未加入5G電話大戰,當5G版iPhone上市之後,排名會唔會有變動呢。相信最遲喺今年第四季應該就可以知道啦。
最近有消息指出,富士康計劃喺青島興建最新一間先進芯片封裝同測試嘅工廠已經正式開始動工。 新工廠計劃投資600億,主力生產5G同人工智能相關設備嘅芯片,提供先進封測技術。對於呢個消息,富士康回應投資金額數字唔係事實,正確資料將會以之後發佈嘅官方簽約新聞為準。 另外,富士康其中一個最重要嘅客戶 - Apple. 有零件供應商爆料2020年嘅新款 iPhone 將會去到10月下旬甚至11月先至會正式發佈。 爆料人士聲稱,蘋果嘅 4G 版 ‌iPhone 12‌ 將會喺10月發佈或者上市,而 5G 型號就可能要等到11月。 佢更加透露,蘋果A14處理器係由台積電嘅 5nm 技術製造,將會採用全新inFO天線封裝技術,可以減少芯片同天線之間互相干擾。 根據以往嘅慣例,蘋果咁多年嚟都係喺9月份發佈最新型號 iPhone,通常喺發佈之後一個月內就會正式發售。
近幾個月對於蘋果第一部 5G iPhone 嘅傳聞未停過。之前有消息話會延期推出,近期亦有消息話會照原定計劃發表。 啱啱就有報導聲稱一切都會按照計劃進行,蘋果如無意外會喺9月底之前宣佈 iPhone 12 系列幾款智能電話。 預測蘋果會公佈最少三款新機,而 iPhone 12 預計會係當中價錢最平嘅一款。 基本上,iPhone 12 系列新機將會使用蘋果自家基於5nm製造嘅 A14 Bionic 處理器。呢幾款新 iPhone 可能係第一批基於呢種高效整合5nm架構嘅量產智能電話。 呢款新處理器令蘋果可以提供性能更好嘅iPhone。同上一代產品相比,速度同耗電量都會有所改善。 而由零件供應商提供嘅最新消息顯示,台積電會生產 A14 Bionic,代工廠亦將會出貨8000萬片A14芯片。照呢個數字推測,蘋果喺2020年有可能會生產最多8000萬部...
蘋果預計今年下半年會推出第一款5G iPhone,不過近日就有傳零件供應商對新iPhone嘅出貨量並唔樂觀。 有消息稱,2020年5G iPhone 12 出貨量可能會減半,由3000萬至4000萬部減低到1500萬至2000萬部。原因可能係蘋果認為,由於疫情導致經濟低迷,消費者唔願意用千幾蚊美金去買一部新電話。 各國政府為咗應付疫情採取嘅封鎖措施已經令到好多工廠破產,令大量工人失業。大部分美國消費者都偏向「謹慎消費」。 美國經濟分析局(BEA)喺5月尾發表嘅最新數據顯示,美國個人儲蓄率4月份飆升到33%,創下歷史新高,達到該機構自1950年代開始統計數據以嚟最高紀錄。 呢個對蘋果嚟講絕對唔係好消息,因為蘋果計劃今年秋天推出第一款5G iPhone。5G iPhone可以話係全世界嘅焦點,因為差唔多全部智能電話品牌都已經推出咗5G電話,蘋果呢部5G iPhone 會有乜嘢個人之處自然非常值得期待。 究竟蘋果將會推出點樣嘅創新功能去令一衆使錢趨向謹慎嘅用戶乖乖換機。大家耐心等多幾個月就會知道啦。
由於疫情嘅關係,影響咗各個零件供應鏈嘅運作。再加上正常嘅規劃同設計程序被打亂,外界一致認為5G版iPhone發佈時間好大機會會推遲到12月。 據分析認為,另一款iPhone SE或者會喺4月15號發佈,並且喺4月22號開始發售。因為蘋果認為新款iPhone SE銷量相對較低,所以隨時可以發售。預計未來6-9個月iPhone SE出貨量將介乎2000萬至2500萬部之間。 而據消息人士爆料,蘋果年尾發佈嘅iPhone 12將會有四個版本,全部支持5G網絡。 四款iPhone 12所有詳細規格據聞已經落實,隨時準備好可以開始生產。 傳聞iPhone 12將會有4種尺寸:5.4寸迷你版本,6.1寸iPhone 12基本版,6.1寸12 Pro同6.7寸12 Pro Max。 雖然尺寸相差唔算太大,但係12同12 Pro嘅相機鏡頭數目就有唔同,分別係兩個同三個。 同iPhone 11系列一樣,可以預計三個鏡頭會包括廣角鏡同遠攝鏡。
將2020年稱為5G手機爆發年絕對唔過份。 雖然年頭受到疫情影響,智能電話市場形勢並唔算太樂觀,但係各大電話品牌仍然非常積極去部署5G電話嘅策略。競爭越來越白熱化。 粗略統計,上星期就有接近10款5G電話公佈。而蘋果下半年亦會發佈第一款5G iPhone。 2月24號下午3點,Sony 正式發佈第一部5G新機Xperia 1 MK II;同日下午5點,Realme 將原本計劃喺 MWC 2020 舉行嘅 X50 Pro 發佈會改為網上全球發佈;當晚9點,華為發布新一代5G摺機Mate Xs。 跟住幾日內,榮耀發布5G新機榮耀V30 PRO,Vivo旗下子品牌iQOO新一代5G旗艦機iQOO 3亦正式登場。